माझं गाव माझी बातमी

✅ आज दिवसभरातील ठळक घडामोडी – माझं गाव माझी बातमी महाबळेश्वर मुख्यमंत्री समृद्ध पंचायतराज अभियानाचा फिव्हर – सातारा जिल्ह्यात गावोगावी अभियानाची जोरदार अंमलबजावणी, विकासकामांना वेग. साताऱ्यात वृक्षलागवडीचा संकल्प – अभियानांतर्गत जिल्ह्यात तब्बल ३३ लाखांहून अधिक वृक्ष लागवड होणार. महाबळेश्वर इंद्रधनुष्याचा मोहक नजारा – केट्स पॉईंट आणि कृष्णाव्हॉली परिसरात पर्यटकांनी अनुभवला इंद्रधनुष्याचा मंत्रमुग्ध करणारा क्षण. नवरात्र उत्सव जल्लोषात – कुंभरोशी येथे दररोज दुर्गामातादौड, धारकरी गीतांचा गजर व भक्तिमय वातावरण पार्वतीपुर मध्ये धार्मिक सोहळे – श्रीक्षेत्र पार्वतीपूर (पार) येथे देवीच्या गोंधळ, हळदी-कुंकू व आरोग्य शिबिरास भाविकांचा उत्स्फूर्त प्रतिसाद. किसनवीर साखर कारखान्याची ५४ वी वार्षिक सभा – भुईंज येथे शेतकरी व सभासदांच्या उत्साही सहभागात अधिवेशन यशस्वी. वसंत शिर्के यांचा सत्कार – सातारा जिल्हा मध्यवर्ती बँक कुंभरोशी शाखेचे कॅशियर वसंत शिर्के यांच्या सेवापुर्ती निमित्त ग्रामस्थांचा गौरव. कोयना परिसरात...

गावोगावी ‘मुख्यमंत्री समृद्ध पंचायतराज अभियानाचा’ फिव्हर : पैकीच्या पैकी गुणांसाठी गावांची धडपड ✍🏻 विजय जाधव      सातारा प्रतिनिधी  सातारा जिल्हा : गावोगाव विकासाचा नवा अध्याय लिहिण्यासाठी महाराष्ट्र शासनाच्या ग्रामविकास विभागाच्या पुढाकाराने सुरू झालेले ‘मुख्यमंत्री समृद्ध पंचायतराज अभियान’ गावांमध्ये उत्साह आणि स्पर्धेची नवी लाट निर्माण करत आहे. १७ सप्टेंबरपासून ३१ डिसेंबर २०२५ पर्यंत चालणाऱ्या या अभियानात प्रत्येक गाव सर्वोत्तम कामगिरी करीत १०० पैकी १०० गुण मिळवण्याच्या निर्धाराने कामाला लागले आहे. अभियानाचे मुख्य उद्दिष्ट अभियानाच्या माध्यमातून गावांचा सर्वांगीण विकास साधण्यासाठी सात ठळक घटकांवर विशेष भर दिला जात आहे – सुशासन व पारदर्शक प्रशासन पर्यावरण संवर्धन जल व्यवस्थापन महिला व युवक सक्षमीकरण मनरेगा व इतर योजनांचा लाभ सामाजिक न्याय स्थानिक रोजगार निर्मिती यामुळे रस्ते, पाणीपुरवठा, आरोग्य सुविधा, शिक्षण, शाश्वत शेती, ग्रामपंचायतींची बळकटी आणि गावांमध्ये रोजगारनिर्मिती या क्षेत्रांत लक्षणीय बदल घडवून आणण्याचे उद्दिष्ट ठरविण्यात आ...

🌈 महाबळेश्वरात कृष्णाव्हॉलीवर इंद्रधनुष्याचा मंत्रमुग्ध करणारा नजारा 🌿 महाबळेश्वर प्रतिनिधी : सह्याद्रीच्या कुशीत वसलेले महाबळेश्वर हे पर्यटकांचे कायम आवडते ठिकाण. इथली शीतल हवा, हिरवीगार दऱ्या, दाट जंगल आणि निसर्गाचा अद्भुत साज प्रत्येकाला मोहवून टाकतो. त्यामुळेच महाबळेश्वर जागतिक दर्जाच्या पर्यटन स्थळांपैकी एक मानले जाते. युनेस्कोच्या वारसा यादीत झालेली महाबळेश्वरची नोंद हाच त्या नैसर्गिक वैभवाचा पुरावा आहे. आज (मंगळवार) महाबळेश्वरला आलेल्या हजारो पर्यटकांना निसर्गाने एक विलक्षण भेट दिली. किड्स पॉईंटवरून दिसणाऱ्या कृष्णा खोऱ्यातील दृश्याने पर्यटक मंत्रमुग्ध झाले. कृष्णा नदीच्या पात्रावर पडलेले सुंदर इंद्रधनुष्य डोळ्यांचे पारणे फेडणारे ठरले. या निसर्गसौंदर्याचा प्रत्येकाने अनुभव घेतला आणि कॅमेऱ्यात कैद करण्याची संधी सोडली नाही. पर्यटकांनी मोठ्या आनंदाने या अप्रतिम क्षणाचा आनंद घेतला. इंद्रधनुष्याचे तेजस्वी रंग, भोवतालची दाट हिरवळ, आणि दरीतून वहाणाऱ्या गार वाऱ्याने अविस्मरणीय अनुभव दिला. "हा क्षण आयुष्यभर लक्षात राहील," असे मत अनेक पर्यटकांनी व्यक्त केले. ...

श्री शिवप्रतिष्ठान हिंदुस्थानच्या माध्यमातून कूंभरोशी येथे नवरात्र उत्सव उत्साहात जितेंद्र कारंडे,  प्रतापगड प्रतिनिधी  : नवरात्र उत्सवाच्या पार्श्वभूमीवर श्री शिवप्रतिष्ठान हिंदुस्थान कूंभरोशी व कूंभरोशी विभागाकडून दरवर्षीप्रमाणे यंदाही विविध धार्मिक, सांस्कृतिक व राष्ट्रभक्तीपर कार्यक्रमांचे भव्य आयोजन करण्यात आले. गावातील तरुणांनी व धारकऱ्यांनी उत्साहात सहभाग नोंदवत परंपरेप्रमाणे दररोज दूर्गामातादौड काढत देवीची आराधना केली. रविवारी दि. २८ सप्टेंबर रोजी किल्ले प्रतापगड येथे कूंभरोशीतील उत्साही धारकऱ्यांनी पारंपरिक घोषणांनी दुमदुमत दूर्गामातादौड काढली. या वेळी श्री शिवप्रताप वाद्य पथक, कूंभरोशी यांनी समधूर वादन करून वातावरण भारावून टाकले. त्यानंतर सोमवार, दि. २९ सप्टेंबर रोजी राष्ट्रीय स्वयंसेवक संघाच्या माध्यमातून शस्त्रपूजन उत्सवाचे आयोजन झाले. एकत्रिकरणानंतर गावातील तरुणांनी देशभक्तीपर गीते गात, “भारत माता की जय” आणि “छत्रपती शिवाजी महाराज की जय” अशा घोषणांनी दुमदुमत ग्रामप्रदक्षिणा करून पारंपरिक दूर्गामातादौड काढली. मंगळवार, दि. ३० सप्टेंबर र...

श्रीक्षेत्र पार्वतीपूर (पार) येथे आई श्रीरामवरदायिनी देवीच्या गोंधळ व हळदी-कुंकू कार्यक्रमाला भाविकांचा उत्स्फूर्त प्रतिसाद राजेश सोंडकर पार्वतीपूर (पार) प्रतिनिधी : नवरात्रोत्सवाच्या पार्श्वभूमीवर श्रीक्षेत्र पार्वतीपूर (पार) येथील जागृत देवस्थान आई श्रीरामवरदायिनी देवीच्या मंदिरात दिनांक ३० सप्टेंबर रोजी (अष्टमी) विविध धार्मिक कार्यक्रमांचे आयोजन करण्यात आले. या कार्यक्रमांना परिसरातील तसेच दूरवरून आलेल्या भाविकांनी मोठ्या श्रद्धा आणि भक्तीभावाने उपस्थित राहून उत्स्फूर्त प्रतिसाद दिला. भक्तीरसात न्हालेला गोंधळ सकाळी ८ ते ११ या वेळेत सर्व देवदेवतांचा विधीवत अभिषेक पार पडल्यानंतर दुपारी १२ वाजता देवीचा गोंधळ आयोजित करण्यात आला. गोंधळींनी देवीच्या स्तुतीपर पोवाडे गाऊन आणि पारंपरिक वाद्यांच्या गजरात गोंधळ घातला. या वेळी मंदिर परिसरात शेकडो भाविकांनी जयघोष करत सहभाग घेतला. गोंधळाच्या माध्यमातून देवीचा महिमा, तिच्या आख्यायिका आणि भक्तिरस भाविकांना अनुभवायला मिळाला. वातावरणात गूंजणाऱ्या ढोल-ताशा आणि जयजयकारामुळे मंदिर परिसर भक्तीभावाने दुमदुमून गेला. ...

किसनवीर साखर कारखान्याची ५४ वी वार्षिक सर्वसाधारण सभा उत्साहात पार पडली; शेतकरीहित जपण्याचा संकल्प भुईंज प्रतिनिधी : किसनवीर सातारा सहकारी साखर कारखाना, भुईंज येथे ५४ वी अधिमंडळाची वार्षिक सर्वसाधारण सभा खासदार नितीन पाटील यांच्या प्रमुख उपस्थितीत उत्साहपूर्ण आणि उत्स्फूर्त वातावरणात पार पडली. या सभेला ऊस उत्पादक शेतकरी बांधवांची मोठ्या प्रमाणावर उपस्थिती होती. सभेत गतवर्षातील कामकाजाचा व कारखान्याच्या प्रगतीचा सविस्तर आढावा घेण्यात आला. यावेळी ऊस उत्पादक शेतकरी बांधवांचे हित, उत्पादनवाढ, ऊस दरातील स्थिरता, कारखान्याची आर्थिक स्थिती तसेच येत्या काळासाठी आखण्यात आलेल्या विकासात्मक धोरणांवर महत्त्वपूर्ण चर्चा झाली. शेतकऱ्यांचा विश्वास आणि सहभाग लक्षात घेऊन निर्णय प्रक्रियेत पारदर्शकता ठेवण्याची ग्वाही कारखान्याच्या व्यवस्थापनाकडून देण्यात आली. या अधिवेशनाला खंडाळा सहकारी साखर कारखान्याचे चेअरमन व्ही. जी. पवार , खंडाळा कारखान्याचे व्हा. चेअरमन राजेंद्र तांबे , किसनवीरचे व्हाईस चेअरमन प्रमोद शिंदे , कार्यकारी संचालक, सर्व मान्यवर संचालक मंडळ सदस्य, ऊस उत्पादक शेतकरी आणि वि...

सातारा जिल्हा मध्यवर्ती बँक कुंभरोशी शाखेचे कॅशियर वसंत शिर्के यांचा सेवानिवृत्ती निमित्त सत्कार कुंभरोशी (ता. महाबळेश्वर) : सातारा जिल्हा मध्यवर्ती बँकेच्या कुंभरोशी शाखेचे कॅशियर वसंत शिर्के यांनी ३५ वर्षांची यशस्वी सेवा पूर्ण केल्यानंतर सेवापुर्ती गाठली. त्यांच्या दीर्घ सेवाकाळात त्यांनी जिल्हा मध्यवर्ती बँकेच्या ग्रामीण भागातील विविध शाखांमध्ये कार्य करून ग्राहकाभिमुख सेवेला प्राधान्य दिले. त्यांच्या सेवाभावी वृत्तीचे आणि कार्यतत्परतेचे कौतुक करत स्थानिक ग्रामस्थांनी आयोजित कार्यक्रमात त्यांचा सत्कार करण्यात आला. कार्यक्रमात शाखाधिकारी श्री. डोईफोडे, डॉ. भिलारे, निलेश रांजणे, कृष्णा चिकणे, बाळू झाडे तसेच प्रतापगड पंचक्रोशी सोसायटीचे सचिव राहुल सावंत आदी मान्यवर उपस्थित होते. मान्यवरांनी आपल्या भावना व्यक्त करताना शिर्के यांनी ग्रामीण भागातील बँकिंग सेवेत केलेले योगदान अनमोल असल्याचे गौरवोद्गार काढले. या प्रसंगी शिर्के यांनी आपल्या सेवाकालातील आठवणींना उजाळा देत सहकाऱ्यांचे व ग्रामस्थांचे मनःपूर्वक आभार मानले. त्यांच्या सेवापुर्ती निमित्त झालेल्या या सत्कार समारंभामुळे प...

कोयना परिसरात सौम्य भूकंपाचा धक्का; कोणतीही हानी नाही सातारा प्रतिनिधी : कोयना परिसर पुन्हा एकदा भूकंपाच्या धक्क्याने दणाणून गेला.   परिसरात  भूकंपाचा सौम्य धक्का जाणवला. रिश्टर स्केलवर या भूकंपाची तीव्रता ३.४ इतकी नोंदवण्यात आली आहे. भूकंपाची तीव्रता कमी असल्याने परिसरात कोणतीही मोठी हानी किंवा नुकसानीची नोंद झालेली नाही. प्रशासनाने दिलेल्या माहितीनुसार, जनजीवन सामान्य असून नागरिकांनी भीती बाळगण्याचे कारण नाही. भूकंपाचा तपशील: वेळ (भारतीय प्रमाणवेळ): पहाटे ०४:०८ वा. जागतिक प्रमाणवेळ (GMT): ०६:३८ वा. तीव्रता (रिश्टर स्केल): ३.४ वर्गिकरण: सौम्य भूकंप स्टेन्सीसिटी (Intensity): III (तीन) ठिकाण: कोयनानगर परिसर केंद्रबिंदूची माहिती: या भूकंपाचा केंद्रबिंदू कोयना धरणापासून अवघ्या २.० किलोमीटर अंतरावर नोंदवला गेला आहे. केंद्रबिंदूचे स्थान १०८°२२.१' उत्तर अक्षांश आणि ७४°४२.२' पूर्व रेखांश येथे असून, केंद्रबिंदूची खोली सुमारे ५ किलोमीटर इतकी आहे. हे ठिकाण हेळवाक गावापासून नैऋत्येस असल्याचे अहवालात नमूद करण्यात आले आहे. शासकीय अहवाल: या भूकंपाची नोंद उपविभागीय अभियंता, ...

सातारा जिल्ह्यात ३३ लाखांहून अधिक वृक्ष लागवड होणार मुख्यमंत्री समृद्ध पंचायतराज अभियानाची गावोगावी प्रभावी अंमलबजावणी विजय जाधव   सातारा प्रतिनिधी  सातारा जिल्ह्यात सध्या मुख्यमंत्री समृद्ध पंचायतराज अभियान उत्साहात राबवले जात असून, या अभियानाअंतर्गत जिल्ह्यातील ११ तालुक्यांची ३३ लाखांहून अधिक लोकसंख्या लक्षात घेऊन तितक्याच प्रमाणात वृक्ष लागवड करण्याचे उद्दिष्ट ठेवण्यात आले आहे. “ एक व्यक्ती–एक झाड ” या संकल्पनेवर आधारित हा उपक्रम जिल्ह्यात पर्यावरण संवर्धनाची मोठी क्रांती घडवून आणणार आहे. गुण स्पर्धेत हिरवाईचा मान या अभियानात १०० पैकी २ गुण गावच्या लोकसंख्येच्या पटीत वृक्ष लागवडीसाठी निश्चित करण्यात आले आहेत. ग्रामपंचायतींना गुणांच्या स्पर्धेत आघाडी मिळविण्याची संधी मिळत असतानाच, पर्यावरण संवर्धनाचा एक ऐतिहासिक उपक्रमही राबवला जात आहे. गावोगावी श्रमदानातून खड्डे खणणे, वृक्षारोपण आणि संवर्धन यासाठी लहानांपासून मोठ्यांपर्यंत सर्वांचे योगदान सुरू झाले आहे. कुठे शाळकरी मुले उत्साहाने रोपटी लावताना दिसत आहेत, तर कुठे ज्येष्ठ नागरिक आणि महिला मंडळी वृक...

महाबळेश्वर तालुक्यात राष्ट्रवादी काँग्रेस (अजित पवार गट) ॲक्शन मोडवर जिल्हा परिषद–पंचायत समिती निवडणुकीच्या पार्श्वभूमीवर रॉक फोर्ड रिसॉर्ट येथे सहविचार सभा संपन्न जितेंद्र करंडे प्रतापगड प्रतिनिधी : महाबळेश्वर तालुक्यात येऊ घातलेल्या जिल्हा परिषद व पंचायत समिती निवडणुकांच्या अनुषंगाने राष्ट्रवादी काँग्रेस (अजित पवार गट)ने जोरदार तयारीला सुरुवात केली आहे. याच पार्श्वभूमीवर पक्षाची सहविचार सभा रॉक फोर्ड रिसॉर्ट येथे उत्साहात पार पडली. या सभेतून तालुका मदत पुनर्वसन मंत्री मकरंद आबा पाटील यांच्या नेतृत्वाखाली तालुक्याची वाटचाल पुढे नेण्याचा निर्धार करण्यात आला. --- अंतिम निर्णय ‘त्रिसूत्री’कडे या बैठकीतून निवडणुकीतील उमेदवारी, आघाडी-गठबंधन व रणनीतीसंदर्भातील अंतिम निर्णय घेण्याचा अधिकार तालुक्यातील त्रिसूत्री नेतृत्वाकडे सोपविण्यात आला आहे. तालुकाध्यक्ष बाबुराव सपकाळ जिल्हा बँकेचे संचालक राजुशेठ राजपुरे माजी सभापती संजूबाबा गायकवाड या तिघांवर पक्षाने संपूर्ण विश्वास दाखवत निवडणूक लढविण्याचा अधिकार प्रदान केला. --- आबांच्या विचाराने तालुका एकमुखी सभेत उपस्थित सर्व पदाधिकारी, का...

प्रवीण दरेकर यांना महाराष्ट्र स्वयंपुनर्विकास प्राधिकरणाच्या अध्यक्षपदी मंत्रीपदाचा दर्जा पोलादपूरचा सुपुत्र सहकार क्षेत्रातील तळपता तारा; राज्यभरातून अभिनंदनाचा वर्षाव  प्रकाश कदम, पोलादपूर प्रतिनिधी : भाजपचे ज्येष्ठ नेते व विधान परिषदेचे माजी विरोधी पक्षनेते आमदार प्रवीण दरेकर यांची महाराष्ट्र स्वयंपुनर्विकास प्राधिकरणाच्या अध्यक्षपदी नियुक्ती करण्यात आली असून, या पदाला मंत्रीपदाचा दर्जा बहाल करण्यात आला आहे. मुख्यमंत्री देवेंद्र फडणवीस यांनी यास मान्यता दिल्याने राज्यभरातून प्रवीण दरेकर यांचे कौतुक होत आहे. त्यांच्या या नियुक्तीमुळे विशेषतः पोलादपूर तालुक्यातील नागरिक व कार्यकर्त्यांमध्ये जल्लोषाचे वातावरण आहे. राज्यातील नोंदणीकृत सहकारी गृहनिर्माण संस्थांना त्यांच्या इमारतींचा स्वयंपुनर्विकास करता यावा यासाठी शासनाने २४ एप्रिल २०२५ रोजी निर्णय घेतला होता. या प्रक्रियेत अनेक तांत्रिक आणि प्रशासकीय अडचणी निर्माण झाल्यानंतर शासनाने अभ्यासगट नेमला होता. या अभ्यासगटाने १४ जुलै २०२५ रोजी विधानभवनात मुख्यमंत्री देवेंद्र फडणवीस यांच्याकडे सविस्तर अहवाल सादर केला. य...

महाबळेश्वर - तळदेव रस्त्यालगत मौजे कोट्रोशी हददीतील विज्ञानगड प्रकल्पा विरोधात हरीत लवाद कडे तक्रार  सखोल तपासनी शिवाय प्रकल्प सुरु करु नये अन्यथा आंदोलनाचा इशारा :- श्री.उत्तम भालेराव      राजेश सोंडकर/जितेंद्र कारंडे       महाबळेश्वर प्रतिनिधी : -  सातारा जिल्ह्यातील महाबळेश्वर तालुक्यातील मौजे कोट्रोशी येथील सर्वे क्रमांक ६ ३ / १ मध्ये एका खासगी कंपनीने उभारलेल्या भव्य अम्युझमेंट आणि विज्ञान प्रकल्पावर आता प्रश्नचिन्ह उपस्थित झाले आहेत श्री.उत्तम यदुनाथ भालेराव यांनी राष्ट्रीय हरित लवाद कडे लेखी तक्रार अर्ज दाखल करून विज्ञान केंद्र प्रकल्प उल्लंघन करून उभा केला असल्याची दाट शक्यता  असल्याने शासकीय व  हरीत लवादकडे या प्रकल्पा विरोधात  तक्रार अर्ज केला आहे या प्रकल्पाची जो पर्यत प्रत्यक्ष सखोल चौकशी तपास करून कार्यवाही पूर्न होत नाही तो पर्यंत प्रकल्प सुरु  करण्यास परवानगी देन्यात येवू नये अशी  मागणी श्री.उत्तम भालेराव यांनी केली आहे           तक्रारदार श्री उत्तम भालेराव यां...

दसऱ्याच्या शुभ मुहूर्तावर ‘किसन वीर’ साखर कारखान्यात बॉयलर अग्निप्रदिपन समारंभ सातारा, प्रतिनिधी : भुईज येथील किसन वीर सातारा सहकारी साखर कारखाना च्या २०२५-२६ हंगामासाठी बॉयलर अग्निप्रदिपन समारंभ दसऱ्याच्या शुभ मुहूर्तावर , गुरूवार (दि. २) सकाळी ११.३० वाजता पार पडणार आहे. समारंभाचे उद्घाटन राज्याचे मदत, पुनर्वसन मंत्री व पालकमंत्री बुलढाणा जिल्हा , तसेच कारखान्याचे चेअरमन नामदार मकरंदआबा पाटील व त्यांच्या पत्नी सौ. अर्चनाताई पाटील यांच्या शुभहस्ते होईल, असे व्हाईस चेअरमन प्रमोद शिंदे यांनी सांगितले. पत्रकानुसार, किसन वीर व किसन वीर-खंडाळा या दोन्ही कारखान्यांवरील तोडणी यंत्रणा लवकरच कार्यस्थळावर दाखल होणार असून, दोन्ही कारखान्यांमधील अंतर्गत कामे पूर्णत्वास पोहोचली आहेत. यामुळे नियोजित वेळेत दोन्ही कारखाने सुरू होऊन शेतकऱ्यांचा ऊसही वेळेत तुटणार आहे. व्हाईस चेअरमन प्रमोद शिंदे यांनी सांगितले की, या समारंभास सर्व सभासद बंधू-भगिनी, हितचिंतक, कंत्राटदार, वाहन मालक व कारखान्याचे कार्यकर्ते उपस्थित राहावेत. कार्यकारी संचालक जितेंद्र रणवरे व संचालक मंडळ यांनीही उपस्थ...

सातारा: पूरबाधितांच्या पार्श्वभूमीवर शाही दसरा साधेपणाने साजरा करणार – खासदार छत्रपती उदयनराजे भोसले सातारा प्रतिनिधी: सातारा जिल्ह्यातील आणि महाराष्ट्रातील अनेक भागात गेल्या काही दिवसांपासून सलग पाऊस सुरू असून, त्यामुळे मोठ्या प्रमाणात पूरस्थिती निर्माण झाली आहे. विशेषतः मराठवाडा, कोकण आणि सातारा जिल्ह्याच्या पूर्व भागातील शेतकरी, ग्रामस्थ आणि शहरी नागरिक या गंभीर परिस्थितीतून संघर्ष करत आहेत. अनेक ठिकाणी घरांवर पाणी आले असून, पशुधनाचेही मोठे नुकसान झाले आहे. त्यामुळे जनजीवन पूर्णपणे विस्कळीत झाले आहे. अशा परिस्थितीत, सातारा जिल्ह्यातील शाही विजयादशमी आणि सिमोल्लंघन सोहळा दि. २ ऑक्टोबर २०२५ रोजी अत्यंत साधेपणाने साजरा करण्याचा निर्णय खासदार छत्रपती उदयनराजे भोसले यांनी घेतला आहे. या निर्णयामागील उद्देश म्हणजे थाटामाटात उत्सव साजरा करण्याऐवजी पूरबाधितांच्या मदतीसाठी सर्वशक्तिमान प्रयत्न करणे आणि जनतेची सेवा करणे. जिल्हाधिकारी आणि स्थानिक प्रशासन तसेच स्थानिक सत्ताधारी यांचे लोकशाहीचे कार्यभान “ जनता जनार्दन ” या संकल्पनेतून पूरग्रस्तांना मदत करण्यासाठी एकत्रित प्रयत...

पोलादपूर तालुक्यातील विकासकामांवरील अनागोंदीवर खासदार सुनील तटकरे यांची आढावा बैठक प्रकाश कदम पोलादपूर प्रतिनिधी : पोलादपूर तालुक्यातील विकासकामांमध्ये अनियमितता आणि कामकाजातील अनागोंदीबाबत जनतेच्या चिंता वाढत असल्याने रायगड लोकसभा मतदार संघाचे खासदार खा. सुनील तटकरे यांनी तालुक्यातील एक विशेष आढावा बैठक घेतली. या बैठकीत खासदार तटकरे यांनी स्पष्ट केले की, लोकशाही राज्यात जनतेला अधिकारी आणि लोकप्रतिनिधी उत्तरदायी आहेत. त्यामुळे विकासकामांतील भ्रष्टाचार, जनतेने मांडलेले प्रश्न आणि समस्यांबाबत चौकशी करून तत्काळ उत्तर देणे ही सर्वांची जबाबदारी आहे. “या आढावा बैठकीमुळे तालुक्यातील बहुसंख्य जनतेच्या प्रश्नांबाबत समाधान मिळाले असेल, असे मी म्हणत नाही; परंतु जेवढे प्रश्न विचारले गेले, त्यापेक्षाही अधिक प्रश्न निवेदनाद्वारे प्राप्त झाले आहेत, आणि त्यांची योग्य ती कार्यवाही संबंधित अधिकाऱ्यांनी करणे गरजेचे आहे,” असे त्यांनी नमूद केले. बैठकीत खासदार तटकरे यांच्यासह अनेक अधिकारी आणि स्थानिक प्रतिनिधी उपस्थित होते. यामध्ये स्नेहल जगताप, सुभाष निकम, अपेक्षा कारेकर, धनंजय देशमुख, विठोबा प...

सातारा जिल्ह्यात पंचायत समिती सभापती पदांचे आरक्षण सोडत कार्यक्रम ७ ऑक्टोबर रोजी सातारा प्रतिनिधी : सातारा जिल्ह्यातील पंचायत समित्या गठीत झाल्यानंतर अडीच वर्षांच्या कालावधीकरिता पंचायत समिती सभापती पदांचे आरक्षण सोडत कार्यक्रम ७ ऑक्टोबर २०२५ रोजी दुपारी १२ वाजता नियोजन भवन, जिल्हाधिकारी कार्यालय सातारा येथे आयोजित करण्यात आले आहे. उपजिल्हाधिकारी (महसूल) विक्रांत चव्हाण यांनी सर्व लोकप्रतिनिधी, अधिकारी आणि नागरिकांना या कार्यक्रमास उपस्थित राहण्याचे आवाहन केले आहे. त्यांनी सांगितले की, पंचायत समिती सभापती पदाचे आरक्षण सोडत कार्यक्रम हा पंचायत समित्यांच्या कार्यकारणीत पारदर्शकता आणण्यासाठी महत्वाचा आहे. ग्रामीण विकास विभागाकडून ९ सप्टेंबर २०२५ रोजी पाठवलेल्या पत्रानुसार, सातारा जिल्ह्यातील पंचायत समिती सभापती पदासाठी प्रवर्गनिहाय आरक्षणाची संख्या निश्चित करण्यात आली आहे. त्यानुसार, जिल्ह्यातील ११ पंचायत समित्यांचे सभापती पदांचे प्रवर्गनिहाय आरक्षण पुढीलप्रमाणे आहे: अनुसूचित जाती प्रवर्ग (महिला): १ पद नागरिकांचा मागास प्रवर्ग (महिला): २ पद नागरिकांचा मागास प्रवर्ग (...

पदवीधर व शिक्षक निवडणूक मतदार संघाच्या मतदार याद्यांचा नव्याने पुनर्रचना कार्यक्रम घोषित जिल्हाधिकारी संतोष पाटील यांचे मोठ्या प्रमाणावर मतदार नोंदणीचे आवाहन सातारा प्रतिनिधी : राज्याचे मुख्य निवडणूक अधिकारी यांच्या सूचनेनुसार 1 नोव्हेंबर 2025 या अर्हता दिनांकावर आधारित पदवीधर व शिक्षक निवडणूक मतदार संघाच्या मतदार याद्या नव्याने तयार करण्यासाठी कार्यक्रम घोषित करण्यात आला आहे. यामध्ये शिक्षक व पदवीधर मतदार संघासाठी दरवेळी नव्याने मतदार नोंदणी होत असते आणि गतवेळी तयार झालेल्या यादीला रद्दबातल केले जाते. जिल्हाधिकारी तसेच सहायक मतदार नोंदणी अधिकारी संतोष पाटील यांनी नागरिकांना मोठ्या प्रमाणावर मतदार नोंदणी करण्याचे आवाहन केले आहे, जेणेकरून मतदार संघाची माहिती ताजी व अचूक राहील. 🗓️ पुनर्रचना कार्यक्रमाचे टप्पे पदवीधर व शिक्षक मतदार संघाच्या मतदार याद्यांच्या पुनर्रचना कार्यक्रमाचे प्रमुख टप्पे पुढीलप्रमाणे आहेत: जाहीर सूचना प्रसिद्धी (कलम ३१(३)) – मंगळवार, 30 सप्टेंबर 2025 प्रथम नोटीसी पुनर्प्रसिद्धी (कलम ३१(४)) – बुधवार, 15 ऑक्टोबर 2025 द्वितीय नोटीसी पुनर्प्र...

  सातारा जिल्हाधिकारी कार्यालयाच्या जिल्हा आपत्ती व्यवस्थापन प्राधिकरणाची 'व्हाट्सॲप चॅट बॉट' सेवा सुरू नागरिकांसाठी आपत्तीविषयक माहिती आता एका क्लिकवर उपलब्ध; जिल्हाधिकारी संतोष पाटील यांचे आवाहन सातारा प्रतिनिधी : सातारा जिल्हाधिकारी कार्यालयाच्या जिल्हा आपत्ती व्यवस्थापन प्राधिकरणामार्फत नागरिकांना आपत्तीविषयक माहिती सहज आणि तात्काळ उपलब्ध व्हावी यासाठी 'व्हाट्सॲप चॅट बॉट सेवा' सुरू करण्यात आली आहे. डिजिटल तंत्रज्ञानाचा वापर करून नागरिकांच्या सोयीसुविधा वाढविण्याच्या उद्देशाने जिल्हाधिकारी संतोष पाटील यांनी ही अभिनव संकल्पना प्रत्यक्षात आणली आहे. या सेवेद्वारे जिल्हयातील नागरिकांना आपत्तीविषयक विविध महत्त्वपूर्ण माहिती एका क्लिकवर मिळणार असून, प्रशासनाशी जोडले जाणे अधिक सोपे व पारदर्शक होणार आहे. जिल्हाधिकारी कार्यालयाच्या या उपक्रमामुळे प्रशासनाचा वेग वाढेल, नागरिकांचा विश्वास दृढ होईल आणि आपत्ती काळात त्वरित निर्णय घेण्यास मदत होईल, असा विश्वास प्रशासनाने व्यक्त केला आहे. 📲 सेवा कशी वापरायची? नागरिकांना या सेवेचा लाभ घेण्यासाठी 9309461982 या क...

खंडाळा तालुका शेतकरी सहकारी साखर कारखान्याची ३१ वी वार्षिक सर्वसाधारण सभा उत्साहात पार  खंडाळा प्रतिनिधी  : खंडाळा तालुका शेतकरी सहकारी साखर कारखान्याची ३१ वी वार्षिक सर्वसाधारण सभा मदत पुनर्वसन मंत्री मकरंद आबा पाटील यांच्या प्रमुख उपस्थितीत संपन्न झाली. सभेस राज्यसभेचे खासदार नितीन पाटील, कारखान्याचे चेअरमन व्ही. जी. पवार, उपाध्यक्ष राजेंद्र तांबे, किसन वीर सहकारी साखर कारखान्याचे व्हाईस चेअरमन प्रमोद शिंदे, कार्यकारी संचालक, संचालक मंडळ, ऊस उत्पादक शेतकरी, तसेच विविध सहकारी संस्थांचे पदाधिकारी मोठ्या संख्येने उपस्थित होते. या वार्षिक सभेत गेल्या हंगामातील कारखान्याच्या कामकाजाचा आढावा घेण्यात आला. कारखान्याच्या उत्पादन क्षमता, ऊस गाळप, शेतकऱ्यांना दिलेला दर, तसेच आगामी हंगामासाठी आखण्यात आलेली धोरणे यावर चर्चा झाली. उपस्थित मान्यवरांनी सहकार क्षेत्रातील आव्हानांवर मार्गदर्शन करताना शेतकऱ्यांच्या प्रगतीसाठी कारखान्याने तंत्रज्ञान, आधुनिक पद्धती आणि पारदर्शक व्यवस्थापन यांचा अवलंब करण्याचे आवाहन केले. यावेळी कारखान्याच्या नवनवीन प्रकल्पांची माहिती सादर करण्यात आली...

वैकुंठवासी हनुमंत दळवी यांच्या स्मृतिप्रीत्यर्थ दीपस्तंभ उभारणी; ग्रामस्थांचा विकास कार्यकर्त्याला अभिवादन प्रकाश कदम पोलादपूर प्रतिनिधी : पोलादपूर तालुक्यातील दाभिळ सुपुत्र व ग्रामविकासासाठी नेहमीच झटणारे वैकुंठवासी हनुमंत धोंडू दळवी यांच्या स्मृतीप्रित्यर्थ ग्रामस्थांनी एक आगळावेगळा उपक्रम राबवला. त्यांच्या उत्तरकार्याच्या निमित्ताने विठ्ठल रुक्मिणी मंदिरासमोर कायमस्वरूपी स्मृती दीपस्तंभ उभारण्यात आला असून, त्यांच्या कार्याची आठवण भावी पिढ्यांसाठी जपली जाणार आहे. गावविकासासाठी तत्पर व्यक्तिमत्त्व  वै.हनुमंत दळवी हे गावातील कुठल्याही विकासकामासाठी नेहमीच पुढाकार घेत असत. पाणी योजना असो, रस्त्यांची उभारणी असो, अथवा धार्मिक-सामाजिक कार्यक्रम जसे पारायण, प्रत्येक क्षेत्रात त्यांचा सक्रिय सहभाग होता. गावाच्या सर्वांगीण प्रगतीसाठी त्यांनी दिलेले योगदान ग्रामस्थ विसरणे अशक्य असल्याने त्यांच्या स्मरणार्थ दीपस्तंभ उभारण्याचा निर्णय ग्रामस्थांनी घेतला. दीपस्तंभाचे उद्घाटन आणि भावनिक वातावरण सदर दीपस्तंभाचे उद्घाटन गुरुवर्य रघुनाथ महाराज मोरे व गुरुवर्य केशव महाराज दळवी यांच्या...

आंबेनळी घाटाचे सौंदर्य कचऱ्याच्या साम्राज्यात हरवू लागले; स्थानिक ग्रामस्थांची प्रशासनाकडे तातडीच्या कारवाईची मागणी जितेंद्र कारंडे, प्रतापगड प्रतिनिधी : सह्याद्रीच्या कुशीत वसलेला, निसर्गाने मुक्तहस्ताने उधळण केलेला आंबेनळी घाट सध्या पावसाळ्यात अक्षरशः फुलांनी, पानांनी आणि धबधब्यांनी भरून गेला आहे. घाटातील हिरवाई, वाहणारे धबधबे आणि पसरलेला धुक्याचा मोहक नजारा यामुळे प्रत्येक प्रवाशासाठी हा घाट एक वेगळा अनुभव ठरतो. मात्र, या निसर्गरम्य सौंदर्यावर सध्या कचऱ्याचे साम्राज्य काळी छाया टाकू लागले आहे. व्यापाऱ्यांकडून घाटात कचरा टाकण्याचा प्रकार वाढला कोकणात जाणारे आणि कोकणातून परतणारे काही व्यापारी आपल्या गाड्यांतील शिल्लक भाजीपाला, फळे, फळांचे आवरण व अन्नाचा कचरा थेट घाटात फेकून देत आहेत. परिणामी, घाटभर दुर्गंधी पसरत असून प्रवाशांना नाकावर रुमाल धरून प्रवास करावा लागतोय. या कचऱ्यामुळे पर्यटकांचे थांबणेही कमी होत आहे. घाटात फोटोसेशन, निसर्ग अनुभवण्यासाठी पर्यटक थांबत असले, तरी दुर्गंधी व घाण पाहून ते नाखूष होऊन निघून जात आहेत. निसर्गसौंदर्यावर डाग आंबेनळ...

माण तालुक्यातील अतिवृष्टीग्रस्त भागांचा पालकमंत्री शंभूराज देसाई यांचा दौरा; सरकारकडून नक्कीच मदत मिळवुन देऊ – आश्वासन माण/म्हसवड  प्रतिनिधी : माण तालुक्यात झालेल्या अतिवृष्टीमुळे शेतकऱ्यांचे तसेच व्यापाऱ्यांचे मोठे नुकसान झाले आहे. पिकांचे नुकसान, घरे व दुकाने पाण्याखाली जाणे, रस्त्यांची झालेली दुरवस्था या पार्श्वभूमीवर जिल्ह्याचे पालकमंत्री शंभूराज देसाई यांनी अतिवृष्टीग्रस्त भागाची पाहणी केली. पालकमंत्री देसाई यांनी गोंदवले येथे शेतकऱ्यांशी संवाद साधून त्यांच्या पिकांच्या झालेल्या नुकसानीची माहिती घेतली. उस, सोयाबीन, भात, मका, तसेच भाजीपाला पिकांवर झालेल्या परिणामामुळे शेतकरी हवालदिल झाले आहेत. यावेळी त्यांनी शेतकऱ्यांना धीर देत सांगितले की, “आपल्या झालेल्या नुकसानीची योग्य ती नोंद घेऊन सरकारकडून निश्चितच मदत केली जाईल. कोणीही अडचणीत राहणार नाही.” असे आश्वासन दिले. त्यानंतर पालकमंत्री देसाई यांनी म्हसवड शहरातील व्यापाऱ्यांशीही संवाद साधला. अतिवृष्टीमुळे अनेक दुकाने पाण्यात बुडाली असून, मालाचे लाखो रुपयांचे नुकसान झाले आहे. व्यापाऱ्यांनी आपल्या अडचणी मांडल्या. या...

वाचन संस्कृती संवर्धनासाठी ऑनलाईन व्याख्यानमालेचे द्वितीय पुष्प आज  जितेंद्र कारंडे, प्रतापगड प्रतिनिधी : पंचायत समिती महाबळेश्वर व प्राथमिक शिक्षक वाचनालय यांच्या संयुक्त विद्यमाने सुरू असलेल्या ‘वाचन संस्कृती संवर्धनाय – शारदीय ऑनलाईन व्याख्यानमाले’ मधील द्वितीय पुष्प रविवार, दि. २९ सप्टेंबर २०२५ रोजी ऑनलाईन माध्यमातून पार पडणार आहे. या व्याख्यानासाठी प्रा. डॉ. संजय कदम (साहित्य समीक्षक व समाजभान अभ्यासक) यांना निमंत्रित करण्यात आले असून ते “ग्रंथ संस्कार आणि आजचे समाजभान” या विषयावर मार्गदर्शन करणार आहेत. कार्यक्रम सायंकाळी ७.०० ते ८.३० या वेळेत Google Meet द्वारे होणार असून, सर्व इच्छुकांनी दिलेल्या लिंक किंवा कोडचा वापर करून सहभाग नोंदवावा, असे आवाहन आयोजकांनी केले आहे. 🔗 Google Meet लिंक: https://meet.google.com/dfv-qooz-ddm 🆔 कोड: dfv-qooz-ddm या व्याख्यानातून वाचन संस्कारांमुळे समाजात निर्माण होणारी जाणीव, वैचारिक बांधणी आणि आजच्या पिढीसमोरील आव्हानांची चिकित्सा होणार आहे. विशेषत: शिक्षक, विद्यार्थी, तसेच वाचन संस्कृतीबद्दल जिव्हाळा असलेल्या प्रत्...

📌 आजच्या ठळक बातम्या – माझं गाव माझी बातमी महाबळेश्वर  1️⃣ प्रतापगड परिसरात तालुकाप्रमुख गणेश उतेकर यांचा दौरा भवानी मातेस चरणी शिवसेना बळकट करण्याचा संकल्प; पार गावात नागरिकांशी संवाद, ग्रामस्थांनी केला सत्कार. 2️⃣ पाचगणी शहरात राष्ट्रीय स्वयंसेवक संघाचा शस्त्र पूजन सोहळा व संचलन शंभराव्या वर्षानिमित्त भव्य संचलन; शेकडो स्वयंसेवकांचा उत्स्फूर्त सहभाग, नागरिकांनी फुलवृष्टी करून स्वागत. 3️⃣ महाबळेश्वर तालुक्यात पावसाचा कहर भातशेतीवर निळ्या भुंग्यांचा प्रादुर्भाव; शेतकरी हवालदिल. 4️⃣ कुसुंबी येथे नवरात्र उत्सवाला भाविकांची मोठी गर्दी आदिशक्ती काळुबाई मंदिरात दर्शनासाठी पुणे, कोल्हापूर, सांगलीसह विविध जिल्ह्यातून भाविकांचा ओघ. 5️⃣ रिव्हर राफ्टिंगची महाबळेश्वर- पोलादपूरमध्ये सुरुवात नरवीर अॅडव्हेंचर अँड स्पोर्ट्सतर्फे साहसी पर्यटनाला चालना. 6️⃣ महाबळेश्वर जनता नागरी सहकारी पतसंस्था वार्षिक सभा संपन्न ‘अ’ ऑडिट वर्ग कायम; सभासदांचा विश्वास अबाधित.

प्रतापगड परिसरात तालुकाप्रमुख गणेश उतेकर यांचा दौरा; भवानी माते चरणी शिवसेना बळकट करण्याचा संकल्प प्रतापगड प्रतिनिधी : शिवसेना पक्षाचे प्रभारी तालुकाप्रमुख गणेश उतेकर यांनी महाबळेश्वर तालुक्यातील प्रतापगड परिसरात दौरा करून विविध धार्मिक स्थळांना भेट दिली तसेच नागरिकांशी संवाद साधला. या दौऱ्याची सुरुवात पार्वतीपूर (पार) येथील श्रीराम वरदानी मातेच्या दर्शनाने झाली. दर्शनानंतर उतेकर यांनी ग्रामस्थांशी मनमोकळा संवाद साधून त्यांच्या अडचणी व मागण्या जाणून घेतल्या. समस्यांचे तातडीने निराकरण करण्यासाठी आवश्यक ती पावले उचलली जातील, असे आश्वासन त्यांनी ग्रामस्थांना दिले. या प्रसंगी ग्रामस्थांच्या वतीने उतेकर यांचा डॉ. सुभाष सोंडकर, डॉ. प्रकाश सोंडकर, सुभाष अण्णा सोंडकर, आनंद धनावडे यांच्यासह पार गावातील मान्यवरांनी शाल, श्रीफळ देऊन सत्कार केला. यानंतर उतेकर प्रतापगडावर पोहोचले आणि भवानी मातेस साष्टांग नमस्कार करून दर्शन घेतले. भवानी माते चरणी त्यांनी महाबळेश्वर तालुक्यातील शिवसेनेचे संघटन अधिक मजबूत करण्याचा संकल्प व्यक्त केला. दौऱ्यादरम्यान उतेकर यांनी परिसरातील शिवसैनिका...

पाचगणी शहरात राष्ट्रीय स्वयंसेवक संघाचा शस्त्र पूजन सोहळा व संचलन उत्साहात पाचगणी प्रतिनिधी : राष्ट्रीय स्वयंसेवक संघाच्या स्थापनेला यावर्षी शंभर वर्षे पूर्ण होत असून या शताब्दी पर्वानिमित्त देशभरात विविध उपक्रमांचे आयोजन करण्यात येत आहे. त्याच अनुषंगाने पाचगणी शहरात शस्त्र पूजन सोहळा आणि भव्य संचलन अत्यंत उत्साहात व शिस्तबद्ध वातावरणात पार पडले. या कार्यक्रमाचे प्रास्ताविक तालुका कार्यवाह विजय पवार यांनी केले. कार्यक्रमाला डॉ. भावेश भाटिया व स्वप्नील परदेशी हे प्रमुख अतिथी म्हणून उपस्थित होते. तर प्रमुख वक्ते म्हणून अशितोष (संदीप) आठले यांनी मार्गदर्शन केले. संघाचे ज्येष्ठ कार्यकर्ते डॉ. सुधीर बोधे यांनी माहिती देताना सांगितले की, “राष्ट्रीय स्वयंसेवक संघाच्या शाखांचे कार्य, स्वयंसेवकांची समाजासाठीची निःस्वार्थ सेवा व मदतीची परंपरा जनतेपर्यंत पोहोचावी हा प्रमुख उद्देश आहे. आज संघाचे कार्य केवळ भारतापुरते मर्यादित नसून जगभरातील 46 हून अधिक देशांमध्ये सुरू आहे. मात्र या कार्याची माहिती सर्वसामान्य जनतेला फार कमी आहे. त्यामुळे अशा संचलनाच्या माध्यमातून संघाची कार्यपद्धती व स...

महाबळेश्वर जनता नागरी सहकारी पतसंस्थेची २८ वी वार्षिक सर्वसाधारण सभा उत्साहात संपन्न 'अ' ऑडिट वर्ग कायम राखण्यात संस्थेचे यश; सभासदांचा उत्स्फूर्त सहभाग   राजेश सोंडकर  महाबळेश्वर प्रतिनिधी  : महाबळेश्वर येथील जनता नागरी सहकारी पतसंस्था मर्यादित ची २८ वी वार्षिक सर्वसाधारण सभा हॉटेल अल्बा सभागृहात उत्साहपूर्ण आणि खेळीमेळीच्या वातावरणात नुकतीच पार पडली. संस्थेचे अध्यक्ष आसिफभाई मानकर यांच्या अध्यक्षतेखाली झालेल्या या सभेस सभासदांची मोठी उपस्थिती लाभली. व्यासपीठावरील मान्यवर सभेच्या वेळी व्यासपीठावर उपाध्यक्ष रियाजभाई डांगे , संचालक मंडळातील राजूभाई नालबंद, मुक्तार बागवान, नसीम पन्हाळकर, डॉ. सलीम मानकर, फैमिदानाझ वलगे, यास्मिन सय्यद, संजय साळुंखे, अकबर शारवान, राजमोहम्मद पन्हाळकर तसेच मुख्य व्यवस्थापक अरिफ शारवान आदी मान्यवर उपस्थित होते. सभेतील कामकाजाचा आढावा सभेची सुरुवात संचालिका व माजी नगरसेविका फैमिदानाझ वलगे यांच्या स्वागतपर भाषणाने झाली. संजय साळुंखे यांनी प्रास्ताविक केले, तर मुक्तार बागवान यांनी दिवंगत सदस्यांना श्रद्धांजली अर्पण केली. मुख्य व्यवस्थ...

कुसुंबी (ता. जावली) येथे नवरात्रोत्सवात भाविकांची अलोट गर्दी कुसुंबी  प्रतिनिधी : जावली तालुक्यातील कुसुंबी या छोट्याशा पण ऐतिहासिक गावात नवरात्रोत्सव काळात भाविकांची प्रचंड गर्दी होत असून, संपूर्ण परिसर भक्तीमय वातावरणाने दुमदुमून गेला आहे. येथे असलेले आदिशक्ती काळुबाईचे प्राचीन मंदिर हे श्रद्धास्थान म्हणून प्रसिद्ध असून सातारा, पुणे, सोलापूर, कोल्हापूर, सांगली अशा दूरवरच्या जिल्ह्यांतून भाविक दर्शनासाठी मोठ्या संख्येने येत आहेत. काळुबाई मंदिर : श्रद्धेचे माहेरघर काळुबाईचे हे ठिकाण “श्रद्धेचे माहेरघर” म्हणून ओळखले जाऊ लागले आहे. भाविकांच्या मते येथे येऊन देवीचे दर्शन घेतल्याने मनोमन शांती लाभते आणि इच्छा पूर्ण होतात. नवरात्र कालावधीमध्ये मंदिर परिसरात सकाळपासून रात्री उशिरापर्यंत भाविकांच्या रांगा लागलेल्या दिसतात . दंडुके, ढोल-ताशे आणि पारंपरिक गोंधळाच्या गजरात वातावरण अधिकच उत्साहपूर्ण झालेले आहे. ग्रामस्थांचा सहभाग आणि सेवा भाव या काळात आलेल्या भाविकांना कोणतीही गैरसोय होऊ नये म्हणून गावातील नेहरू युवा मंडळ तसेच स्थानिक ग्रामस्थ विश...

महसुल सेवा पंधरवड्यानिमित्त महाबळेश्वर तालुक्यात १७ शिबिरांद्वारे विमुक्त जाती व भटक्या जमातींना लाभांचे वाटप विलास काळे, महाबळेश्वर प्रतिनिधी : महाबळेश्वर तालुक्यामध्ये सुरू असलेल्या महसुल सेवा पंधरवडा उपक्रमांतर्गत जिल्हाधिकारी सातारा यांच्या मार्गदर्शनाखाली व उपविभागीय अधिकारी वाई यांच्या सूचनांनुसार शनिवार, दि. 27 सप्टेंबर रोजी तालुक्यातील विमुक्त जाती व भटक्या जमातींना शासकीय योजना व प्रमाणपत्रांचे थेट लाभ देण्यासाठी एकाच दिवशी तब्बल १७ शिबिरांचे आयोजन करण्यात आले. या विशेष उपक्रमाचा उद्देश म्हणजे तालुक्यातील सर्व लाभार्थ्यांना त्यांच्या गावातच आवश्यक दाखले, प्रमाणपत्रे व योजना यांचा लाभ सुलभतेने मिळावा हा होता. तालुक्यातील विमुक्त व भटक्या जमातींची एकूण लोकसंख्या २,३८९ असून, यांपैकी २५ गावांमध्ये राहणाऱ्या लाभार्थ्यांना या शिबिरांद्वारे सेवा उपलब्ध करून देण्यात आल्या. शिबिरांमध्ये लाभार्थ्यांना दिलेले दाखले व सेवा: शिधापत्रिका – ३३ जात प्रमाणपत्र – १४ उत्पन्न दाखला – ११२ नॉन क्रिमीलेअर प्रमाणपत्र – ११ रहिवास प्रमाणपत्र – १७९ अधिवास दाखला – २ विवाह नों...