माझं गाव माझी बातमी

  कासच्या कुशीत साकारली निसर्गाची अद्भुत कलाकृती; ‘मंडप घळ’ नैसर्गिक पूल ठरतोय पर्यटकांचे आकर्षण! परदेशातील निसर्गरम्य ठिकाणांची आठवण करून देणाऱ्या ‘मंडप घळी’चे फोटो-व्हिडिओ सोशल मीडियावर व्हायरल; पर्यटन हंगाम सुरू होण्यापूर्वीच पर्यटकांची उत्सुकता वाढली कास  प्रतिनिधी :   निसर्गसौंदर्याने जगभरात ओळखल्या जाणाऱ्या कास पठाराच्या परिसरात निसर्गाची आणखी एक अनोखी कलाकृती पर्यटकांचे लक्ष वेधून घेत आहे. कास पठाराच्या परिसरातील संरक्षित वनक्षेत्रात असलेली ‘मंडप घळ’ ही नैसर्गिक खडकांची रचना सध्या पर्यटकांसाठी आकर्षणाचा विषय ठरत आहे. दगडांमध्ये नैसर्गिकरीत्या तयार झालेल्या या कमानीसदृश रचनेला स्थानिक पातळीवर नैसर्गिक पूल किंवा ‘हिडन नॅचरल रॉक ब्रिज’ म्हणूनही ओळखले जाते. पावसाळ्यात या परिसराचे रूप अधिकच खुलून येते. पाऊस, वारा आणि नैसर्गिक झीज यामुळे खडकांमध्ये तयार झालेल्या या अद्भुत रचनेवर हिरवेगार शेवाळ आणि रानफर्नची चादर पसरते. सभोवतालची दाट हिरवाई, धुक्याची दुलई, ओलसर खडक आणि खोल दरी यामुळे संपूर्ण परिसराला एक वेगळेच निसर्गरम्य रूप प्राप्त होते. त्याम...

फेरफार अपिलाच्या निकालासाठी ५० हजारांची लाच; फलटणमध्ये खाजगी एजंट एसीबीच्या जाळ्यात प्रांताधिकाऱ्यांच्या नावे लाचेची मागणी केल्याचा आरोप; गिरवी चौकात सापळा रचून विकास तोडकरला रंगेहाथ पकडले फलटण प्रतिनिधी : जमीन फेरफार अपिलातील विलंबमाफीचा अर्ज मंजूर करून तक्रारदाराच्या बाजूने अनुकूल निकाल मिळवून देण्यासाठी फलटणच्या प्रांताधिकाऱ्यांच्या नावे ५० हजार रुपयांची लाच मागून ती स्वीकारणाऱ्या एका खाजगी एजंटला सातारा लाचलुचपत प्रतिबंधक विभागाने (एसीबी) रंगेहाथ पकडले. विकास शंकर तोडकर (वय ३६, रा. नांदल, ता. फलटण) असे ताब्यात घेण्यात आलेल्या खाजगी इसमाचे नाव आहे. ही कारवाई ३१ ऑगस्ट रोजी गिरवी चौकातील लॉ कॉलेजसमोर करण्यात आली. तक्रारदार शेतकऱ्याच्या मौजे टाकळवाडे येथील वडिलोपार्जित शेतजमिनीबाबत हा प्रकार घडला. या जमिनीची एका सहहिस्सेदाराने परस्पर विक्री केल्याचे तक्रारदाराच्या निदर्शनास आले होते. त्यामुळे संबंधित फेरफार रद्द करण्यासाठी त्यांनी फलटण प्रांत कार्यालयात विलंबमाफीसह अपील दाखल केले होते. या प्रकरणाच्या पाठपुराव्यासाठी तक्रारदार प्रांत कार्यालयात गेले असता, त्...

‘ज्ञान माऊली’च्या माध्यमातून संत ज्ञानेश्वरांच्या विचारांचा जागर; ५ जिल्ह्यांतील सर्व तालुक्यांत एकाच वेळी सांस्कृतिक कार्यक्रम ज्ञानेश्वर माऊलींच्या ७५०व्या जन्मजयंती वर्षानिमित्त ४ सप्टेंबरला विशेष कार्यक्रम; संतविचार, भक्तिपरंपरा आणि महाराष्ट्राच्या सांस्कृतिक वारशाचे होणार दर्शन पुणे प्रतिनिधी : संत ज्ञानेश्वर माऊलींच्या ७५०व्या जन्मजयंती वर्षानिमित्त त्यांच्या अध्यात्मिक, सामाजिक आणि मानवतावादी विचारांचा व्यापक जागर करण्यासाठी महाराष्ट्र शासनाच्या सांस्कृतिक कार्य विभागांतर्गत सांस्कृतिक कार्य संचालनालय, महाराष्ट्र राज्य, मुंबई यांच्या वतीने विशेष सांस्कृतिक उपक्रमाचे आयोजन करण्यात आले आहे. या उपक्रमांतर्गत ‘ज्ञान माऊली’ हा विशेष सांस्कृतिक कार्यक्रम शुक्रवार, दि. ४ सप्टेंबर २०२६ रोजी सायंकाळी ६ वाजता पुणे महसूल विभागातील पुणे, सातारा, सोलापूर, कोल्हापूर आणि सांगली या पाच जिल्ह्यांतील सर्व तालुक्यांमध्ये एकाच वेळी आयोजित करण्यात आला आहे. संत ज्ञानेश्वर महाराजांनी आपल्या अलौकिक साहित्यनिर्मिती, अध्यात्मिक चिंतन आणि समाजप्रबोधनाच्या माध्यमातून महाराष्ट...

डॉ. राजेंद्र रुपनवर यांचा उपचारादरम्यान मृत्यू; फलटण उपजिल्हा रुग्णालयातील वाद पुन्हा ऐरणीवर वरिष्ठांच्या जाचाला कंटाळून आत्महत्येचा प्रयत्न; सायन रेल्वेस्थानक परिसरात पोलिसांनी वाचवले होते प्राण — वैद्यकीय अधीक्षक डॉ. लीला मदने निलंबित फलटण प्रतिनिधी :   फलटण उपजिल्हा रुग्णालयात कार्यरत असलेले वैद्यकीय अधिकारी डॉ. राजेंद्र रुपनवर यांचा उपचारादरम्यान आज सकाळी दुर्दैवी मृत्यू झाला. वरिष्ठांकडून होणारा कथित जाच आणि राजकीय दबावाला कंटाळून त्यांनी मुंबईतील सायन रेल्वेस्थानक परिसरात २७ ऑगस्ट रोजी आत्महत्येचा प्रयत्न केला होता. त्यावेळी पोलीस आणि अग्निशमन दलाच्या जवानांनी शर्थीचे प्रयत्न करून त्यांचे प्राण वाचवले होते. त्यानंतर त्यांना उपचारासाठी रुग्णालयात दाखल करण्यात आले होते. मात्र, उपचार सुरू असतानाच आज, ३१ ऑगस्ट रोजी त्यांची प्राणज्योत मालवली. या घटनेमुळे फलटण तालुक्यासह संपूर्ण सातारा जिल्ह्यात खळबळ उडाली असून, गेल्या वर्षभरापासून विविध कारणांनी चर्चेत असलेल्या फलटण उपजिल्हा रुग्णालयातील वाद पुन्हा एकदा ऐरणीवर आला आहे. एकाच वर्षात या रुग्णालयाशी संबंधित...

पुण्यातील प्रमुख मार्गांवर पार्किंगला लगाम; डेक्कन, सिंहगड रोड, कोथरूडसह सहा वाहतूक विभागांत ‘नो पार्किंग’ झोन वाहतूक कोंडी व रस्त्यावरील अडथळे कमी करण्यासाठी नव्या पार्किंग व्यवस्थेची अंमलबजावणी; नागरिकांना १३ सप्टेंबरपर्यंत सूचना देण्याचे आवाहन पुणे प्रतिनिधी :   पुणे शहरातील वाढती वाहतूक कोंडी, रस्त्यांवरील अनधिकृत पार्किंग आणि वाहनचालकांना होणारा त्रास लक्षात घेऊन शहरातील विविध प्रमुख भागांमध्ये नो पार्किंग झोन जाहीर करण्यात आले आहेत. डेक्कन, सिंहगड रोड, कोथरूड, येरवडा, चंदननगर आणि विश्रामबाग वाहतूक विभागांतर्गत विविध ठिकाणी पार्किंगसंदर्भात नवीन व्यवस्था लागू करण्यात येणार आहे. याबाबतचे आदेश पोलीस उप आयुक्त डॉ. संदीप भाजीभाकरे यांनी निर्गमित केले आहेत. या निर्णयामुळे संबंधित रस्त्यांवर वाहने उभी करण्यास निर्बंध येणार असून, काही ठिकाणी समांतर पार्किंगची व्यवस्था करण्यात आली आहे. वाहतूक सुरळीत ठेवणे आणि महत्त्वाच्या रस्त्यांवरील वाहनांची वर्दळ नियंत्रित करणे हा या निर्णयामागील उद्देश आहे. डेक्कन विभागातील महत्त्वाच्या ठिकाणी नो पार्किंग डेक्कन वाहतूक विभागांतर्ग...

  गणेशोत्सव मंडळांसाठी राज्यस्तरीय स्पर्धेची पर्वणी; सातारा जिल्ह्यातील मंडळांनी ७ सप्टेंबरपूर्वी अर्ज करावा सामाजिक प्रबोधन, पर्यावरण संवर्धन आणि सांस्कृतिक परंपरांच्या जतनाला प्रोत्साहन; राज्यातील विजेत्यांना साडेसात लाखांपर्यंत पारितोषिक सातारा प्रतिनिधी : सन २०२६ चा गणेशोत्सव यंदा ‘राज्य महोत्सव’ म्हणून साजरा करण्यात येत आहे. गणेशोत्सवाच्या माध्यमातून सामाजिक प्रबोधन, सांस्कृतिक वारशाचे जतन, पर्यावरणपूरक उपक्रम, सामाजिक सलोखा आणि समाजोपयोगी कार्याला चालना देणाऱ्या उत्कृष्ट सार्वजनिक गणेशोत्सव मंडळांना प्रोत्साहन देण्यासाठी महाराष्ट्र शासनाच्या पर्यटन व सांस्कृतिक कार्य विभागामार्फत राज्यस्तरीय गणेशोत्सव स्पर्धेचे आयोजन करण्यात आले आहे. सातारा जिल्ह्यातील अधिकाधिक सार्वजनिक गणेशोत्सव मंडळांनी या स्पर्धेत सहभागी व्हावे, असे आवाहन जिल्हाधिकारी संतोष पाटील यांनी केले आहे. या स्पर्धेमुळे गणेशोत्सवाच्या पारंपरिक उत्साहाला सामाजिक आणि सांस्कृतिक उपक्रमांची जोड देणाऱ्या मंडळांना आपल्या कार्याची राज्यस्तरावर दखल मिळवून देण्याची संधी उपलब्ध झाली आहे. त्यामु...

सातारा मतदार यादीत मोठी उलथापालथ! १.९१ लाख कायमस्वरूपी स्थलांतरित, ८८ हजार ४९० मृत मतदारांची नोंद SIR अंतर्गत प्रारूप मतदार यादी प्रसिद्ध; ३ लाख ४१ हजार ९२५ मतदारांचे गणना प्रपत्र प्राप्त नाही; ३० सप्टेंबरपर्यंत दावे-हरकतीची संधी सातारा प्रतिनिधी : विशेष सखोल पुनरीक्षण ( SIR ) मोहिमेअंतर्गत सातारा जिल्ह्यातील आठही विधानसभा मतदारसंघांची प्रारूप मतदार यादी सोमवारी, ३१ ऑगस्ट रोजी प्रसिद्ध करण्यात आली. जिल्ह्यातील एकूण २६ लाख ५१ हजार ३४७ मतदारांपैकी ३ लाख ४१ हजार ९२५ मतदारांचे गणना प्रपत्र प्राप्त झालेले नाही. या मतदारांची ‘Uncollectable EF’ या प्रवर्गात नोंद करण्यात आली आहे. यामध्ये १ लाख ९१ हजार ३८३ मतदार कायमस्वरूपी स्थलांतरित , तर ८८ हजार ४९० मतदार मृत असल्याची नोंद झाली आहे. त्यामुळे जिल्ह्यातील प्रत्येक नागरिकाने प्रारूप मतदार यादीत आपले नाव व तपशील तपासून घेणे महत्त्वाचे ठरणार आहे. SIR मोहिमेअंतर्गत जिल्ह्यातील मतदारांच्या घरोघरी जाऊन गणना प्रपत्र वितरित करणे, ते भरून घेणे तसेच मतदारांच्या नोंदींची पडताळणी करण्याची व्यापक प्रक्रिया राबविण्यात आली. या प...

देऊर एसटी बसस्थानकात भरधाव ट्रक घुसला; उपाहारगृह उद्ध्वस्त, सुदैवाने जीवितहानी टळली पहाटेच्या सुमारास घडली दुर्घटना; गर्दीच्या वेळेत अपघात झाला असता मोठा अनर्थ घडण्याची शक्यता सातारी प्रतिनिधी : सातारा–लोणंद राज्य मार्गावरील देऊर येथील एसटी बसस्थानकात पहाटेच्या सुमारास भरधाव ट्रक घुसल्याने मोठी दुर्घटना घडली. लोणंदकडून साताऱ्याच्या दिशेने जाणाऱ्या ट्रकचालकाचे वाहनावरील नियंत्रण सुटल्याने ट्रक थेट बसस्थानकातील उपाहारगृहावर जाऊन आदळला. या धडकेत उपाहारगृहाचे मोठ्या प्रमाणात नुकसान झाले असून परिसरात काही काळ भीतीचे वातावरण निर्माण झाले. मिळालेल्या माहितीनुसार, पहाटेच्या सुमारास लोणंदकडून साताऱ्याकडे भरधाव वेगाने ट्रक जात होता. देऊर येथील एसटी बसस्थानक परिसरात आल्यानंतर ट्रक अनियंत्रित होऊन बसस्थानकाच्या आवारात घुसला. त्यानंतर त्याने तेथील उपाहारगृहाला जोरदार धडक दिली. धडकेची तीव्रता एवढी होती की, उपाहारगृहाच्या बांधकामासह आतील साहित्याचे मोठे नुकसान झाले. या दुर्घटनेच्या वेळी उपाहारगृहात असलेला मुलगा सुदैवाने बचावला. त्यामुळे मोठी जीवितहानी टळली. मात्र, हीच घटन...

सातारा बोगदा परिसरात खुनाने खळबळ; कौटुंबिक वादातून पतीकडून पत्नीचा जीव घेतल्याचा आरोप ३५ वर्षीय सुनिता चव्हाण यांचा मध्यरात्री हल्ल्यात मृत्यू; पसार होण्याच्या तयारीतील पतीला शाहूपुरी पोलिसांच्या डी. बी. पथकाने घेतले ताब्यात सातारा | प्रतिनिधी : सातारा शहरानजीक असलेल्या सातारा बोगदा परिसरात मध्यरात्री घडलेल्या खुनाच्या घटनेने परिसर हादरला आहे. कौटुंबिक वादातून पतीने पत्नीवर हल्ला करून तिचा खून केल्याची धक्कादायक घटना समोर आली आहे. या घटनेत सुनिता प्रदीप चव्हाण (वय ३५) यांचा मृत्यू झाला. मिळालेल्या प्राथमिक माहितीनुसार, रात्री सुमारे २.३० वाजण्याच्या सुमारास सातारा बोगदा परिसरात ही घटना घडली. कौटुंबिक वादातून पती प्रदीप हणमंत चव्हाण याने पत्नी सुनिता चव्हाण यांच्यावर हल्ला केल्याचे समोर आले आहे. या हल्ल्यात त्या गंभीर जखमी झाल्या आणि त्यांचा मृत्यू झाला. घटनेची माहिती परिसरात पसरताच नागरिकांमध्ये एकच खळबळ उडाली. मध्यरात्रीच्या सुमारास घडलेल्या या प्रकारामुळे परिसरातील नागरिकांमध्ये भीतीचे वातावरण निर्माण झाले. पोलिसांची तत्पर कारवाई; आरोपी पती ताब्यात ...

१०५ गावांच्या प्रश्नांना आता मिळणार गती; प्रलंबित विकासकामांवर निर्णायक पाठपुरावा! एकनाथ शिंदे यांच्या आदेशानुसार शासकीय विभागांची संयुक्त बैठक; रस्ते, पुनर्वसन, आरोग्य, टोलसवलत, गावठाण व इको सेन्सिटिव्ह झोनचे प्रश्न अजेंड्यावर ✍️सुरेंद्र जाधव, मुंबई प्रतिनिधी   :   १०५ गाव परिसरातील नागरिकांच्या गेल्या अनेक वर्षांपासून प्रलंबित असलेल्या मूलभूत सुविधा, विकासकामे आणि विविध प्रशासकीय प्रश्नांना आता गती मिळण्याची शक्यता निर्माण झाली आहे. मा. श्री. एकनाथ शिंदे यांच्या आदेशानुसार विविध शासकीय विभागांच्या अधिकाऱ्यांची संयुक्त बैठक आयोजित करण्याच्या पार्श्वभूमीवर चारकोप, कांदिवली येथे समाजकार्यकर्त्यांची महत्त्वपूर्ण बैठक पार पडली. या बैठकीत १०५ गाव परिसरातील नागरिकांच्या विविध प्रश्नांवर सविस्तर चर्चा करून त्यांचा एकत्रित अजेंडा तयार करण्याचे निश्चित करण्यात आले. या बैठकीत रस्ते विकास, प्रलंबित पुनर्वसन, आरोग्य सुविधा, मोबाईल नेटवर्क, स्थानिक भूमिपुत्रांसाठी टोलमाफी अथवा टोलसवलत, इको सेन्सिटिव्ह झोन, गावठाणाचे प्रश्न, वन्य प्राण्यांमुळे शेतीपिकांचे होणारे नुकसान...

शिष्यवृत्ती परीक्षेत आरफळच्या चार विद्यार्थ्यांची दमदार कामगिरी; वरद दीक्षित प्रथम, गुणवंतांचा मान्यवरांच्या हस्ते सत्कार आरफळ (ता. जि. सातारा) : येथील जिल्हा परिषद प्राथमिक शाळेच्या इयत्ता चौथीतील चार विद्यार्थ्यांनी शिष्यवृत्ती परीक्षेत उल्लेखनीय यश संपादन करत शाळेसह आरफळ गावाच्या शैक्षणिक लौकिकात भर घातली आहे. शिष्यवृत्ती परीक्षेच्या अंतरिम निकालात शाळेतील चार विद्यार्थी पात्र ठरले असून, त्यांच्या या यशाबद्दल शाळा व्यवस्थापन समिती, शिक्षकवृंद, पालक आणि ग्रामस्थांकडून त्यांचे कौतुक करण्यात येत आहे. या परीक्षेत वरद दीक्षित याने ३०० पैकी २२० गुण मिळवत शाळेत प्रथम क्रमांक पटकावला. त्यापाठोपाठ ईश्वरी पवार हिने २१४ गुण , सानवी पवार हिने १८८ गुण , तर आरोही पवार हिने १३८ गुण मिळवत शिष्यवृत्ती परीक्षेत पात्रता मिळवली. ग्रामीण भागातील जिल्हा परिषद शाळेत शिक्षण घेत असताना या विद्यार्थ्यांनी मिळवलेले यश विशेष कौतुकास्पद मानले जात आहे. या यशस्वी विद्यार्थ्यांचा शाळा व्यवस्थापन समिती आणि समस्त ग्रामस्थांच्या वतीने विशेष सत्कार करण्यात आला. विद्यार्थ्यांच्या मेहनतीचे ...

कर्मवीरांच्या विचारांचा वारसा जपत समाजसेवेची वाटचाल; डॉ. अनिल पाटील यांना ‘कर्मवीर वारसा कृतज्ञता पुरस्कार’ सोशल हँड्स फाउंडेशनचा रक्षाबंधनानिमित्त उपक्रम; शाहू बोर्डिंगला गॅस शेगडीची भेट, विद्यार्थ्यांना दैनंदिन उपयोगी साहित्याचे वाटप सातारा प्रतिनिधी:   रक्षाबंधन सणाचे औचित्य साधून छत्रपती शाहू बोर्डिंग, धनिणीची बाग, सातारा येथे सोशल हँड्स फाउंडेशनच्या वतीने विद्यार्थी-विद्यार्थिनींसाठी सामाजिक उपक्रम उत्साहात पार पडला. यावेळी रयत शिक्षण संस्थेचे संघटक तथा माजी कार्याध्यक्ष डॉ. अनिल आप्पासाहेब पाटील यांना त्यांच्या शैक्षणिक व सामाजिक क्षेत्रातील उल्लेखनीय योगदानाबद्दल ‘ऐतिहासिक कर्मवीर वारसा कृतज्ञता पुरस्कार २०२६’ देऊन गौरविण्यात आले. ज्येष्ठ शास्त्रज्ञ तथा निवृत्त वरिष्ठ शास्त्रज्ञ, DRDO डॉ. अशोक नगरकर यांच्या हस्ते डॉ. अनिल पाटील यांना हा पुरस्कार प्रदान करण्यात आला. डॉ. नगरकर यांनी भारताचे माजी राष्ट्रपती व ज्येष्ठ शास्त्रज्ञ डॉ. ए. पी. जे. अब्दुल कलाम यांच्यासोबत १२ वर्षांहून अधिक काळ काम केले असून, संशोधन आणि तंत्रज्ञान क्षेत्रात त्यांनी महत्त्वपूर्ण योगदान द...

आजोबांची सामाजिक निष्ठा, वडिलांची मेहनत अन् साहिलची जिद्द; डॉक्टर साहिल जाधव यांच्या यशाने जाधव कुटुंबासह समाजाचा गौरव तापोळा  प्रतिनिधी : वलवन येथील डॉ. साहिल सिताराम नारायण जाधव यांनी वैद्यकीय क्षेत्रात यश संपादन करून डॉक्टर होण्याचा मान मिळवल्याबद्दल पंचायत समिती महाबळेश्वरचे उपसभापती संजयराव मोरे यांनी त्यांचे मनःपूर्वक अभिनंदन करून पुढील वाटचालीसाठी शुभेच्छा दिल्या. डॉ. साहिल जाधव यांच्या या यशामागे त्यांच्या कुटुंबाची सामाजिक बांधिलकी, संस्कार, मेहनत आणि शिक्षणाविषयीची जिद्द यांचा मोठा वाटा असल्याचे संजयराव मोरे यांनी गौरवोद्गार काढताना सांगितले. साहिल यांचे आजोबा नारायण पाटील यांनी १६ गाव समाजाची जबाबदारी अत्यंत प्रामाणिकपणे आणि निष्ठेने सांभाळत सामाजिक कार्याचा आदर्श निर्माण केला होता. समाजाच्या विविध प्रश्नांमध्ये पुढाकार घेत त्यांनी आपली वेगळी ओळख निर्माण केली होती. आजोबांकडून मिळालेला सामाजिक सेवेचा वारसा आणि सुसंस्कृत विचार पुढे नेत श्री. सिताराम जाधव यांनीही आपल्या कर्तृत्वाने समाजात वेगळे स्थान निर्माण केले. उद्योग-व्यवसाय सांभाळताना मुं...

जि.प. सदस्य संजयजी केळगणे यांची दुधोशी शाळेला भेट; विद्यार्थ्यांशी साधला संवाद, शैक्षणिक विषयांवर केली चर्चा कुंभरोशी| प्रतिनिधी आज शनिवार, दिनांक २९ ऑगस्ट २०२६ रोजी जिल्हा परिषद सदस्य श्री. संजयजी केळगणे यांनी जिल्हा परिषद प्राथमिक शाळा, दुधोशी येथे सदिच्छा भेट देऊन शाळेतील विद्यार्थ्यांशी संवाद साधला. यावेळी त्यांनी विद्यार्थ्यांच्या शैक्षणिक प्रगतीची तसेच शाळेतील विविध उपक्रमांची माहिती जाणून घेत विद्यार्थ्यांचे कौतुक केले. भेटीदरम्यान श्री. केळगणे यांनी विद्यार्थ्यांशी विविध विषयांवर मनमोकळा संवाद साधला. विद्यार्थ्यांनी शिक्षण, शालेय उपक्रम तसेच आपल्या आवडी-निवडींबाबत माहिती दिली. विद्यार्थ्यांचा उत्साह, आत्मविश्वास आणि शैक्षणिक प्रगती पाहून त्यांनी समाधान व्यक्त केले. विद्यार्थ्यांनी नियमित अभ्यासाबरोबरच विविध शैक्षणिक व क्रीडा उपक्रमांमध्ये सहभागी होण्याचे आवाहनही त्यांनी केले. यावेळी दुधोशी जिल्हा परिषद प्राथमिक शाळेच्या विविध शैक्षणिक व भौतिक गरजांबाबत चर्चा करण्यात आली. शाळेच्या विकासासाठी आवश्यक असलेल्या बाबी, विद्यार्थ्यांना मिळणाऱ्या शैक्षणिक ...

२९ ज्ञातींच्या सहभागातून महाबळेश्वरात सामाजिक सद्भावाचा जागर सामाजिक सद्भाव कार्य बैठकीला २०४ जणांची उपस्थिती; संघ शताब्दी आणि पंचपरिवर्तनावर मार्गदर्शन महाबळेश्वर | प्रतिनिधी महाबळेश्वर तालुक्यात सामाजिक एकात्मता, बंधुभाव आणि विविध समाजघटकांमध्ये समन्वय वाढविण्याच्या उद्देशाने सामाजिक सद्भाव कार्य बैठक बुधवार, दि. २६ ऑगस्ट २०२६ रोजी ड्रीमलॅंड हॉटेल, महाबळेश्वर येथे उत्साहपूर्ण वातावरणात संपन्न झाली. तालुक्यातील एकूण २९ ज्ञातींच्या प्रतिनिधींचा सहभाग असलेल्या या बैठकीला पुरुष, महिला आणि कार्यकर्ते मिळून एकूण २०४ जण उपस्थित होते. बैठकीस १५६ पुरुष, २३ महिला आणि २५ कार्यकर्ते उपस्थित होते. विविध समाजघटकांतील नागरिकांनी एकत्र येत सामाजिक सद्भाव आणि परस्पर बंधुभावाचा संदेश दिला. कार्यक्रमाची सुरुवात भारत माता पूजन आणि दीपप्रज्वलनाने झाली. त्यानंतर महेशजी शिवदे यांनी ‘देश हमें देता है सबकुछ’ हे सांघिक गीत सादर केले. मा. जिल्हा संघचालक डॉ. अभय देशपांडे यांनी बैठकीचे प्रास्ताविक केले, तर राहुल कदम यांनी उपस्थित मान्यवरांचा परिचय करून दिला. यावेळी मा. प्रां...

रुग्णवाहिकाही अडकतायत! मॅप्रो गार्डन परिसरातील वाहतूक कोंडीवर कायमस्वरूपी तोडगा निघाला नाही तर बेमुदत उपोषणाचा इशारा महाबळेश्वर-पाचगणीत पर्यटनाच्या गर्दीचा फटका; पोलीस, महसूल आणि PWD प्रशासनाविरोधात मिथुन तळवलकर आक्रमक पाचगणी प्रतिनिधी  :   गुरेघर (ता. महाबळेश्वर) गावच्या हद्दीत असलेल्या प्रसिद्ध मॅप्रो गार्डन परिसरातील वाहतूक कोंडीचा प्रश्न दिवसेंदिवस गंभीर होत असून, स्थानिक नागरिकांसह पर्यटकांनाही मोठ्या त्रासाला सामोरे जावे लागत आहे. या वाहतूक कोंडीमुळे रुग्णवाहिकांसारख्या अत्यावश्यक सेवांनाही अडथळा निर्माण होत असल्याचा आरोप करत, रिपब्लिकन पार्टी ऑफ इंडिया (आठवले गट) चे सातारा जिल्हाध्यक्ष (उद्योग आघाडी) मिथुन भानुदास तळवलकर यांनी प्रशासनाला आता बेमुदत उपोषणाचा इशारा दिला आहे. तळवलकर यांनी दि. १७ आणि १८ ऑगस्ट २०२६ रोजी पाचगणी पोलीस निरीक्षक, महाबळेश्वर तहसीलदार तसेच सार्वजनिक बांधकाम विभागाच्या कार्यकारी अभियंत्यांना पत्र देऊन मॅप्रो गार्डन परिसरातील वाहतूक व्यवस्थेकडे तातडीने लक्ष देण्याची मागणी केली आहे. चुकीचे टर्निंग पॉइंट आणि बॅरिकेड्समुळे...

परभणीत रविवारी उपमुख्यमंत्री एकनाथ शिंदे; शिवसेना पक्ष मेळाव्यात साधणार कार्यकर्त्यांशी संवाद परभणी प्रतिनिधी :   महाराष्ट्राचे उपमुख्यमंत्री एकनाथ शिंदे हे रविवार, दि. ३० ऑगस्ट रोजी परभणी जिल्ह्याच्या दौऱ्यावर येणार आहेत. या दौऱ्यात ते परभणी येथे आयोजित शिवसेना पक्ष मेळाव्यास उपस्थित राहून पदाधिकारी व कार्यकर्त्यांशी संवाद साधणार आहेत. तसेच विविध शिष्टमंडळांच्या भेटी घेऊन त्यांच्या मागण्या व प्रश्नांवर चर्चा करणार आहेत. उपमुख्यमंत्री एकनाथ शिंदे हे रविवारी सकाळी मुंबई विमानतळावरून विमानाने नांदेडकडे रवाना होतील. दुपारी १२.१५ वाजता नांदेड विमानतळावर त्यांचे आगमन होईल. त्यानंतर हेलिकॉप्टरने ते परभणीकडे प्रयाण करतील. दुपारी १२.४५ वाजता परभणी येथील पोलीस परेड मैदानावरील हेलिपॅडवर त्यांचे आगमन होणार आहे. यानंतर दुपारी १ वाजता प्रियदर्शिनी इंदिरा गांधी स्टेडियम, परभणी येथे आयोजित करण्यात आलेल्या शिवसेना पक्ष मेळाव्यास उपमुख्यमंत्री शिंदे उपस्थित राहणार आहेत. या मेळाव्यात ते शिवसेना पदाधिकारी, लोकप्रतिनिधी आणि कार्यकर्त्यांशी संवाद साधणार असून, आगामी राजकीय व संघटनात्म...

राखीच्या धाग्यातून जुळले आपुलकीचे नाते; एम.ई.एस. इंग्लिश मीडियमच्या विद्यार्थिनींनी नगराध्यक्ष सुनील शिंदे यांना बांधल्या राख्या महाबळेश्वर | प्रतिनिधी रक्षाबंधनाच्या पवित्र सणाचे औचित्य साधून येथील नामांकित एम.ई.एस. इंग्लिश मीडियम हायस्कूलच्या विद्यार्थिनींनी महाबळेश्वर नगरपरिषदेचे नगराध्यक्ष सुनील शिंदे यांची भेट घेत त्यांना राख्या बांधल्या. विद्यार्थिनींच्या उत्साहाने आणि आपुलकीने हा रक्षाबंधन सोहळा भावनिक व आनंदमय वातावरणात पार पडला. या प्रसंगी विद्यार्थिनींनी नगराध्यक्ष सुनील शिंदे यांचे औक्षण करून त्यांच्या दीर्घायुष्य व उत्तम आरोग्यासाठी प्रार्थना केली. राखी बांधण्याच्या या पारंपरिक सोहळ्यातून विद्यार्थिनी आणि नगराध्यक्ष यांच्यातील स्नेहभावाचे सुंदर दर्शन घडले. नगराध्यक्ष शिंदे यांनीही विद्यार्थिनींचे अत्यंत आपुलकीने स्वागत केले. राखी बांधल्यानंतर त्यांनी विद्यार्थिनींशी मनमोकळा संवाद साधत त्यांच्या शैक्षणिक प्रगतीची तसेच शाळेतील विविध उपक्रमांची माहिती घेतली. विद्यार्थिनींनीही उत्साहाने संवाद साधत आपले अनुभव नगराध्यक्षांसमोर मांडले. यावेळी नगराध्य...

धावण्याच्या शर्यतीत वरद भिसेची दमदार बाजी; ६०० मीटरमध्ये प्रथम क्रमांक, राज्यस्तरीय स्पर्धेसाठी निवड ✍️उत्तम लोखंडे सेलू/परभणी | प्रतिनिधी — मानवत येथील के. के. एम. महाविद्यालयाच्या मैदानावर ८ ऑगस्ट रोजी झालेल्या अॅथलेटिक्स राज्यस्तरीय निवड चाचणी मॅरेथॉन स्पर्धेत भारतीय बाल विद्यामंदिर, परभणीचा विद्यार्थी वरद दत्तात्रय भिसे याने उल्लेखनीय कामगिरी करत १६ वर्षांखालील वयोगटातील ६०० मीटर धावण्याच्या स्पर्धेत प्रथम क्रमांक पटकावला. वरदने आपल्या उत्कृष्ट वेगाचे, सातत्यपूर्ण सरावाचे आणि जिद्दीचे दर्शन घडवत प्रतिस्पर्ध्यांवर मात केली. या दमदार कामगिरीच्या जोरावर त्याची २९ ऑगस्ट रोजी डेरवण, ता. चिपळूण, जि. रत्नागिरी येथे होणाऱ्या राज्यस्तरीय मॅरेथॉन स्पर्धेसाठी निवड झाली आहे. या स्पर्धेत वरद हा परभणी जिल्ह्याचे प्रतिनिधित्व करणार आहे. वरदच्या या यशामागे त्याचे वडील तथा राष्ट्रीय कबड्डीपटू दत्तात्रय भिसे तसेच क्रीडा शिक्षक यमनाजी भालशंकर यांचे मोलाचे मार्गदर्शन लाभले आहे. नियमित सराव, शारीरिक तंदुरुस्ती आणि स्पर्धात्मक तयारी यामुळे वरदने कमी वयातच क्रीडा क्षेत्रात आपली वेगळी...

तीन महिन्यांचा एसटी पास जप्त; भाडेवाढीचा फटका की प्रवाशांचा छळ? भाडेवाढीनंतर जुन्या दराच्या पासवर कारवाई; आठ दिवसांपासून पास परत न मिळाल्याने प्रवाशाचा संताप प्रतापगड  प्रतिनिधी : सर्वसामान्य प्रवाशांसाठी जीवनवाहिनी असलेल्या राज्य परिवहन महामंडळाच्या (एसटी) कारभारावर प्रश्नचिन्ह उपस्थित करणारी घटना समोर आली आहे. वाई ते मेटगुताड या मार्गावर नियमित प्रवास करणारे सुनील नारायण पंडित यांनी तीन महिन्यांचा एसटी पास काढला होता. मात्र प्रवासादरम्यान तिकीट तपासनीसाने त्यांचा पास जप्त केला असून, तब्बल आठ दिवस उलटूनही तो परत मिळालेला नसल्याने पंडित यांना मनस्ताप सहन करावा लागत आहे. सुनील पंडित यांनी सुमारे आठ दिवसांपूर्वी वाई ते मेटगुताड या मार्गासाठी तीन महिन्यांचा प्रवास पास घेतला होता. संबंधित पासची मुदत अद्याप सप्टेंबर महिन्यापर्यंत असल्याचे सांगण्यात येत आहे. मात्र प्रवासादरम्यान तिकीट तपासणीसाठी आलेल्या कर्मचाऱ्याने त्यांचा पास ताब्यात घेतला. पास जप्त करण्याचे कारण विचारले असता, एसटीच्या तिकिटांचे दर वाढले असून तुम्ही जुन्या दराचा पास वापरत आहात, त्यामुळे ह...

रायगड कॉर्नरवर देशी दारूची अवैध वाहतूक उघड; दुचाकीसह ५५ हजारांचा मुद्देमाल जप्त खताच्या पिशवीत लपवून देशी दारूची वाहतूक; सेलू शहर पोलिसांची कारवाई, तरुण ताब्यात उत्तम लोखंडे परभणी / सेलू प्रतिनिधी सेलू शहर पोलिसांनी रायगड कॉर्नर परिसरात छापा टाकून विनापरवाना देशी दारूची वाहतूक करणाऱ्या एका तरुणाला रंगेहात पकडले. या कारवाईत पोलिसांनी देशी दारूसह दुचाकी असा एकूण ५५ हजार ३६० रुपयांचा मुद्देमाल जप्त केला आहे. मंगळवारी (दि. २५) रात्री सुमारे ८.२० वाजण्याच्या सुमारास ही कारवाई करण्यात आली. पोलिसांकडून मिळालेल्या माहितीनुसार, रायगड कॉर्नर येथील राजस्थानी स्वीट मार्टसमोरील रस्त्यावर एक तरुण दुचाकीवर खताची पिशवी घेऊन संशयास्पदरीत्या थांबला असल्याची माहिती सेलू शहर पोलिसांना मिळाली. माहिती मिळताच पोलीस उपनिरीक्षक शाकीर शेख यांनी सहकाऱ्यांसह तातडीने घटनास्थळी धाव घेत संशयित तरुणाला ताब्यात घेतले. पोलिसांनी त्याची दुचाकी तपासली असता दुचाकीवर ठेवलेल्या पांढऱ्या खताच्या पिशवीमध्ये भिंगरी संत्रा देशी दारूचे चार खाकी पुठ्ठ्याचे बॉक्स आढळून आले. प्रत्येक बॉक्समध्ये १८० मिली क्षमतेच...