माझं गाव माझी बातमी

वाचन संस्कृतीला चालना देण्यासाठी इनरव्हील क्लबचा स्तुत्य उपक्रम; अंजुमन हायस्कूलला शालेय साहित्य व ग्रंथालयासाठी कपाटाचे वितरण महाबळेश्वर प्रतिनिधी : सामाजिक बांधिलकी जपत शिक्षण क्षेत्राला हातभार लावण्याच्या उद्देशाने महाबळेश्वर इनरव्हील क्लबच्या वतीने येथील अंजुमन खैरुल इस्लाम उर्दू हायस्कूल व कनिष्ठ महाविद्यालय या शाळेसाठी शालेय साहित्य व ग्रंथालयासाठी आवश्यक साहित्याची मदत करण्यात आली. या उपक्रमांतर्गत शाळेच्या ग्रंथालयासाठी आवश्यक असलेले कपाट तसेच विद्यार्थ्यांसाठी दोनशेहून अधिक वह्यांचे वितरण करण्यात आले. या साहित्याचे वितरण इनरव्हील क्लबच्या अध्यक्षा वर्षा पार्टे यांच्या हस्ते शाळेच्या मुख्याध्यापिका शबाना असद इम्रान शेख यांच्याकडे करण्यात आले. यावेळी सचिव सपना अरोरा, अदिती भांगडिया, नेहा साळवी, लक्ष्मी येरलागड्डा, ॲड. राधा मुक्कावर यांच्यासह क्लबच्या इतर सदस्याही उपस्थित होत्या. यावेळी बोलताना अध्यक्षा वर्षा पार्टे यांनी या उपक्रमामागील उद्देश स्पष्ट करताना विद्यार्थ्यांमध्ये वाचन संस्कृती रुजविणे आणि त्यांना अधिकाधिक शैक्षणिक सुविधा उपलब्ध करून देणे हा इ...

११ शस्त्रक्रियांच्या वेदनांवर मात करत गीताने जिंकली इंग्लिश चॅनेल; मुळशीच्या जलपरीची जगाला दाद द्यायला लावणारी कामगिरी पुणे विशेष प्रतिनिधी ✍️संतोष मालुसरे :  जिद्द, चिकाटी, सातत्य आणि आत्मविश्वास यांच्या बळावर अशक्य वाटणारी स्वप्नेही साकार करता येतात, याचा प्रत्यय पुन्हा एकदा गीता दिपा महेश मालुसरे हिने जगाला करून दिला आहे. जेलीफिशच्या विषारी दंशामुळे हात गमावण्याची वेळ येऊनही हार न मानता तब्बल ११ शस्त्रक्रियांच्या वेदनांवर मात करत गीताने जगातील सर्वात आव्हानात्मक मानल्या जाणाऱ्या इंग्लिश चॅनेल मधील पोहण्याचे आव्हान यशस्वीरीत्या पूर्ण करून इतिहास रचला आहे. शनिवार, २७ जून २०२६ रोजी गीताने इंग्लिश चॅनेलमधील ३५ किलोमीटरचे अधिकृत अंतर समुद्रातील प्रबळ लाटा आणि प्रवाहांमुळे प्रत्यक्षात तब्बल ५४ किलोमीटर पोहत १४ तास ३१ मिनिटांत पूर्ण केले. जगभरातील जलतरणपटूंसाठी प्रतिष्ठेची मानली जाणारी ही मोहीम English Channel Swimming Association यांच्या देखरेखीखाली पार पडली. मुळशीची सुवर्णकन्या म्हणून ओळख असलेल्या गीताने लहान वयापासूनच जलतरण क्षेत्रात आपली स्वतंत्र ओळख निर्माण...

आंबेनळी घाटावर दरडीचे संकट कायम; पोलादपूर तालुका हद्दीत मातीचा ओसरा आणि झाड कोसळल्याने वाहतूक अनेक तास ठप्प प्रतापगड प्रतिनिधी :  आंबेनळी घाट परिसरात दरड, मातीचा ओसरा आणि झाडे कोसळण्याच्या घटना सातत्याने घडत असून पावसाळ्याच्या सुरुवातीलाच या घाटमार्गावरील प्रवाशांच्या सुरक्षिततेचा प्रश्न पुन्हा एकदा ऐरणीवर आला आहे. मंगळवारी सायंकाळी सुमारे सहाच्या सुमारास पोलादपूर तालुका हद्दीतील कुंभलवणे फाटा परिसरात मातीचा ओसरा खाली आला, तर कापडे ते पायटा दरम्यान मोठे झाड रस्त्यावर कोसळल्याने या महत्त्वाच्या राज्य मार्गावरील वाहतूक काही तासांसाठी दोन्ही बाजूंनी पूर्णपणे ठप्प झाली होती. घटनेची माहिती मिळताच पोलादपूर आपत्ती निवारण कक्ष, पोलादपूर पोलीस तसेच सार्वजनिक बांधकाम विभागाच्या अधिकाऱ्यांनी तातडीने घटनास्थळी धाव घेतली. ठेकेदारांकडील जेसीबी यंत्रांच्या सहाय्याने रस्त्यावर पडलेली दगडमाती आणि झाड हटविण्याचे काम युद्धपातळीवर सुरू करण्यात आले. अथक प्रयत्नांनंतर वाहतूक हळूहळू पूर्ववत करण्यात आली. दरम्यान, हवामान विभागाने पुढील पाच दिवस मुसळधार पावसाचा इशारा दिला...

"एक झाड माझ्या गावासाठी, माझ्या पुढील पिढीसाठी" संकल्पनेतून घावरी येथे भव्य वृक्षारोपण अभियान उत्साहात संपन्न प्रतापगड  प्रतिनिधी :  पर्यावरण संवर्धनाचा संदेश देत आणि भावी पिढ्यांसाठी हिरवागार वारसा निर्माण करण्याच्या उद्देशाने ग्राम सेवा संघ घावरी मुंबई आणि ग्रामस्थ मंडळ घावरी यांच्या संयुक्त विद्यमाने "एक झाड माझ्या गावासाठी, माझ्या येणाऱ्या पुढील पिढीसाठी" या प्रेरणादायी संकल्पनेतून भव्य वृक्षारोपण अभियान उत्साहपूर्ण वातावरणात संपन्न झाले. वाढते प्रदूषण, हवामान बदल आणि घटत चाललेले हरित क्षेत्र यांचा विचार करून गावातील ज्येष्ठ मंडळी, महिला भगिनी, युवक आणि ग्रामस्थांनी एकत्र येत पर्यावरण संवर्धनाचा संदेश देणाऱ्या या उपक्रमात उत्स्फूर्त सहभाग नोंदवला. वृक्ष लागवड ही काळाची गरज असून भविष्यातील पिढ्यांसाठी निरोगी आणि समृद्ध पर्यावरण निर्माण करण्याचा हा एक महत्त्वपूर्ण प्रयत्न असल्याची भावना यावेळी व्यक्त करण्यात आली. या उपक्रमासाठी गावातील ज्येष्ठ नेते श्री नामदेव रामचंद्र सकपाळ, श्री बापू कोंडिबा सकपाळ, श्री नारायण हरिश्चंद्र सक...

महाबळेश्वर काँग्रेसच्या नेतृत्वाची धुरा आता राजेंद्र भंडारी यांच्या खांद्यावर; ब्लॉक अध्यक्षपदी नियुक्ती प्रतापगड प्रतिनिधी - महाबळेश्वर तालुका काँग्रेस संघटनेला नवे नेतृत्व मिळाले असून महाराष्ट्र प्रदेश काँग्रेस कमिटीच्या वतीने महाबळेश्वर ब्लॉक काँग्रेस अध्यक्षपदी राजेंद्र भंडारी यांची नियुक्ती करण्यात आली आहे. संघटन सृजन अभियानांतर्गत राज्यभरातील जिल्ह्यांमध्ये काँग्रेस पक्षाच्या संघटनात्मक बांधणीसाठी सुरू असलेल्या प्रक्रियेचा भाग म्हणून ही नियुक्ती जाहीर करण्यात आली आहे. महाराष्ट्र प्रदेश काँग्रेस कमिटीच्या नियुक्त निरीक्षकांनी विविध जिल्ह्यांमध्ये भेटी देत स्थानिक काँग्रेस नेते, पदाधिकारी आणि कार्यकर्त्यांशी चर्चा करून ब्लॉक अध्यक्षांच्या नियुक्तीसंदर्भातील शिफारशी प्रदेश कार्यालयाकडे सादर केल्या होत्या. त्या शिफारशींचा विचार करून तसेच प्रदेशाध्यक्षांच्या आदेशानुसार सातारा जिल्ह्यातील विविध तालुक्यांसाठी ब्लॉक अध्यक्षांच्या नियुक्त्या जाहीर करण्यात आल्या. त्यामध्ये महाबळेश्वर तालुक्यासाठी राजेंद्र भंडारी यांच्यावर पक्ष संघटना मजबूत करण्याची जबाबदारी सोपवि...

कुंभरोशीत पल्स पोलिओ मोहिमेला उत्स्फूर्त प्रतिसाद; सरपंच कांचन सावंत यांच्या उपस्थितीत बालकांना पोलिओ डोस प्रतापगड प्रतिनिधी  कुंभरोशी येथे राष्ट्रीय पल्स पोलिओ मोहिमेअंतर्गत बालकांना पोलिओ प्रतिबंधक लसीचे डोस देण्याचा उपक्रम उत्साहात पार पडला. गावातील पाच वर्षांखालील सर्व बालकांना पोलिओपासून संरक्षण मिळावे आणि "पोलिओमुक्त भारत" हे उद्दिष्ट अधिक बळकट व्हावे, यासाठी आरोग्य विभागाच्या वतीने ही मोहीम राबविण्यात आली. या मोहिमेदरम्यान गावातील पालकांनी आपल्या बालकांना पोलिओचे दोन थेंब पाजण्यासाठी मोठ्या प्रमाणावर सहभाग नोंदविला. आरोग्य कर्मचाऱ्यांनी तसेच आशा सेविका आणि अंगणवाडी सेविकांनी घरभेटी देऊन जनजागृती केली व एकही बालक या मोहिमेपासून वंचित राहणार नाही याची दक्षता घेतली. यावेळी कुंभरोशी ग्रामपंचायतीच्या सरपंच कांचन सावंत यांनी उपस्थित राहून मोहिमेचे महत्त्व अधोरेखित केले. त्यांनी पालकांना आपल्या मुलांच्या आरोग्याबाबत जागरूक राहण्याचे आवाहन केले तसेच प्रत्येक बालकाला पोलिओचे डोस मिळणे ही समाजाची सामूहिक जबाबदारी असल्याचे सांगितले. गावातील नागरिकांच्य...

महाबळेश्वरात प्रतिबंधित गुटखा-पानमसाला विक्रीवर कारवाई; दोन जणांविरुद्ध गुन्हा दाखल, २ हजार ७७१ रुपयांचा मुद्देमाल जप्त महाबळेश्वर प्रतिनिधी : महाबळेश्वर शहरात प्रतिबंधित गुटखा, पानमसाला व सुगंधित तंबाखूजन्य पदार्थांची विक्री व साठा केल्याप्रकरणी अन्न व औषध प्रशासन विभागाच्या तक्रारीवरून महाबळेश्वर पोलीस ठाण्यात दोन जणांविरुद्ध गुन्हा दाखल करण्यात आला आहे. या कारवाईत एकूण २ हजार ७७१ रुपयांचा प्रतिबंधित अन्न पदार्थांचा साठा जप्त करण्यात आला असून, सार्वजनिक आरोग्याशी संबंधित नियमांचे उल्लंघन केल्याप्रकरणी संबंधितांवर विविध कलमांन्वये कारवाई करण्यात आली आहे. याबाबत मिळालेल्या माहितीनुसार, अन्न व औषध प्रशासन विभागाच्या अन्न सुरक्षा अधिकारी श्रीमती प्रियंका नामदेव वाईकर यांनी दिलेल्या फिर्यादीवरून हा गुन्हा दाखल करण्यात आला आहे. दिनांक २५ जून २०२६ रोजी दुपारी साडेएक वाजण्याच्या सुमारास महाबळेश्वर येथील एसटी स्थानकाजवळील श्रेयस हॉटेलच्या डाव्या बाजूच्या रस्त्यावर असलेल्या अपंग जनरल स्टोअर्स या दुकानावर तपासणी करण्यात आली होती. या तपासणीदरम्यान आरोपी प्रविण सुरेश ओंबळ...

राजर्षी शाहू महाराजांच्या समता विचारांचा जागर: 'आपुलकी' मतिमंद शाळेतील विशेष मुलांच्या चेहऱ्यावर आरपीआयने फुलवला आनंद महाबळेश्वर प्रतिनिधी राजर्षी छत्रपती शाहू महाराज यांच्या जयंतीचे औचित्य साधून रिपब्लिकन पार्टी ऑफ इंडिया (आठवले गट), महाबळेश्वर शाखेच्या वतीने एक हृदयस्पर्शी आणि सामाजिक बांधिलकी जपणारा उपक्रम राबविण्यात आला. पाचवड येथील 'आपुलकी' मतिमंद मुलांच्या निवासी शाळेत अन्नधान्य व खाऊचे वाटप करून विशेष मुलांच्या चेहऱ्यावर आनंद फुलवण्याचा प्रयत्न पक्षाच्या पदाधिकाऱ्यांनी केला. शाहू विचारांचा वसा पुढे नेण्याचा प्रयत्न राजर्षी शाहू महाराजांनी आपल्या कार्यकाळात समाजातील वंचित, उपेक्षित आणि दुर्बल घटकांच्या उन्नतीसाठी अतुलनीय कार्य केले. त्यांचे हे कार्य आजही समाजासाठी मार्गदर्शक ठरते. याच सामाजिक समता आणि लोककल्याणाच्या विचारांचा वसा जपत आरपीआय (आठवले गट) महाबळेश्वर तालुकाध्यक्ष जॉन जोसेफ यांच्या नेतृत्वाखाली हा उपक्रम पार पडला. "जीवन जगणं खडतर असलं तरी अशक्य नाही," हे ब्रीदवाक्य समोर ठेवत विशेष मुलांच्या पाठीशी खंबीरपणे उभे राहण्...

वाहतूक कोंडीला दिलासा; महाबळेश्वरचा ऐतिहासिक आठवडे बाजार आता छत्रपती संभाजी महाराज पार्किंगमध्ये नगराध्यक्ष सुनील शिंदे, मुख्याधिकारी योगेश पाटील आणि नगरसेवकांकडून नव्या जागेची प्रत्यक्ष पाहणी महाबळेश्वर प्रतिनिधी : महाबळेश्वर शहरातील एल. सी. डिसोजा रोडवर अनेक वर्षांपासून भरत असलेला ऐतिहासिक आठवडे बाजार आता पालिकेच्या छत्रपती संभाजी महाराज पार्किंगच्या जागेत स्थलांतरित करण्यात येणार आहे. शहरातील वाढती वाहतूक कोंडी, पर्यटकांची गैरसोय आणि बाजार व्यवस्थापनातील अडचणी लक्षात घेऊन हा महत्त्वपूर्ण निर्णय घेण्यात आला असून, या नव्या जागेची नगराध्यक्ष सुनील शिंदे, मुख्याधिकारी योगेश पाटील तसेच स्थानिक नगरसेवकांनी प्रत्यक्ष पाहणी केली. महाबळेश्वर शहरातील प्रमुख मार्गांपैकी असलेल्या एल. सी. डिसोजा रोडवर दर मंगळवारी भरत असलेल्या आठवडे बाजारामुळे मोठ्या प्रमाणात वाहतूक कोंडी निर्माण होत होती. यामुळे स्थानिक नागरिकांसह पर्यटकांनाही मोठ्या अडचणींचा सामना करावा लागत होता. अनेक वेळा वाहनांना मार्ग काढणे कठीण होत असल्याने बाजार स्थलांतराचा प्रश्न गेल्या काही काळापासून चर्चेत ह...

महाबळेश्वर तालुक्यातील युवक बेपत्ता; नागरिकांना शोध मोहिमेत सहकार्याचे आवाहन महाबळेश्वर | प्रतिनिधी महाबळेश्वर तालुक्यातील पिंपरी येथील ३२ वर्षीय युवक लक्ष्मण श्रीरंग जाधव हे बेपत्ता झाले असून त्यांच्या कुटुंबीयांनी नागरिकांना शोधकार्यात सहकार्य करण्याचे आवाहन केले आहे. गेल्या काही दिवसांपासून त्यांचा कोणताही संपर्क होत नसल्याने कुटुंबीयांमध्ये चिंतेचे वातावरण निर्माण झाले आहे. मिळालेल्या माहितीनुसार, लक्ष्मण श्रीरंग जाधव (वय ३२) हे मूळचे महाबळेश्वर तालुक्यातील पिंपरी, पोस्ट आहिर येथील रहिवासी आहेत. ते दहिसर मोरी, पिंपरी तसेच कल्याण-शिळ फाटा परिसरातून बेपत्ता झाल्याची माहिती कुटुंबीयांनी दिली आहे. त्यांच्या शोधासाठी नातेवाईक आणि स्थानिक नागरिकांकडून प्रयत्न सुरू असून अद्याप त्यांच्याबाबत कोणतीही ठोस माहिती मिळालेली नाही. कुटुंबीयांनी नागरिकांना आवाहन केले आहे की, लक्ष्मण जाधव हे कोणाला कुठेही दिसल्यास किंवा त्यांच्याबाबत कोणतीही माहिती मिळाल्यास तात्काळ संपर्क साधावा. आपल्या एका फोनमुळे एका कुटुंबाला मोठा आधार मिळू शकतो आणि बेपत्ता व्यक्तीचा शोध लावण्यास मदत होऊ...

कमिटमेंट म्हणजे कमिटमेंट! केळघर येथील वेण्णा नदीवरील पूल वेळेपूर्वी वाहतुकीसाठी खुला महाबळेश्वर | प्रतिनिधी महाबळेश्वर-मेढा-सातारा या महत्त्वाच्या मार्गावरील केळघर (आंबेघर) येथील वेण्णा नदीवरील नव्या पुलाचे काम पूर्ण होताच तो वाहतुकीसाठी खुला करण्यात आला आहे. गेल्या दोन दिवसांपासून या पुलावरून वाहनांची वाहतूक सुरळीतपणे सुरू झाली असून परिसरातील नागरिक, प्रवासी आणि वाहनचालकांनी समाधान व्यक्त केले आहे. या पुलाचे उद्घाटन आणि वाहतुकीसाठी सुरू करण्याची अधिकृत तारीख ३० मे निश्चित करण्यात आली होती. मात्र, पावसाळा सुरू होण्यापूर्वीच हे महत्त्वाचे काम पूर्ण करण्यासाठी प्रशासन आणि सार्वजनिक बांधकाम विभागाने विशेष प्रयत्न केले. परिणामी, नागरिकांना पावसाळ्यातील संभाव्य अडचणींना सामोरे जावे लागणार नाही आणि या मार्गावरील वाहतूक अधिक सुरक्षित व सुलभ झाली आहे. सार्वजनिक बांधकाम विभागाचे मंत्री तसेच जावळी-सातारा मतदारसंघाचे आमदार नामदार छत्रपती शिवेंद्रसिंहराजे भोसले यांनी या कामाचा सातत्याने पाठपुरावा करून काम वेळेत पूर्ण करण्यावर भर दिला होता. त्यांच्या पुढाकारामुळे आणि प्र...

ब्रेक निकामी, समोर खोल दरी अन् मृत्यूचा साक्षात सामना; चालकाच्या प्रसंगावधानाने आणि सीट बेल्टमुळे पर्यटक कुटुंबाचा जीव वाचला पाचगणी | प्रतिनिधी महाबळेश्वर-पाचगणी या मुख्य पर्यटन मार्गावरील धोकादायक घाटात पर्यटकांच्या काळजाचा थरकाप उडवणारी घटना सोमवारी दुपारी घडली. महाबळेश्वरमध्ये पर्यटनाचा आनंद लुटून तेलंगणाकडे परत निघालेल्या एका पर्यटक कुटुंबाच्या कारचे ब्रेक अचानक निकामी झाल्याने काही क्षणांसाठी मृत्यू समोर उभा ठाकला होता. मात्र, चालकाने दाखवलेल्या अद्वितीय प्रसंगावधानामुळे, तसेच कारमधील सर्वांनी सीट बेल्टचा वापर केल्याने एक मोठी दुर्घटना टळली. नियंत्रण सुटलेली कार डोंगराच्या कडेला असलेल्या मोठ्या दगडांवर आदळल्यानंतर वाहनातील एअरबॅग्स वेळेत उघडल्या आणि संपूर्ण कुटुंब थोडक्यात बचावले. या अपघातात एक महिला आणि लहान मूल किरकोळ जखमी झाले असून त्यांच्यावर उपचार सुरू आहेत. ही घटना सोमवारी दुपारी सुमारे चार वाजण्याच्या सुमारास पाचगणी घाटातील बुवासाहेब मंदिराजवळील तीव्र उताराच्या ठिकाणी घडली. मिळालेल्या माहितीनुसार, तेलंगणा राज्यातील सैनिकपूर येथील रहिवासी सबूजित रॉ...

कोयना धरणात पावसामुळे जलसाठ्यात वाढ; भाग्यलक्ष्मीच्या पोटात १३.९७ टीएमसी पाणीसाठा कोयनानगर | प्रतिनिधी सह्याद्रीच्या पर्वतरांगांमध्ये सुरू असलेल्या दमदार पावसामुळे राज्याची भाग्यलक्ष्मी म्हणून ओळखल्या जाणाऱ्या कोयना धरणाच्या जलसाठ्यात हळूहळू वाढ होत आहे. बुधवार, दि. २४ जून २०२६ रोजी सकाळी ८ वाजेपर्यंतच्या आकडेवारीनुसार कोयना धरणातील एकूण पाणीसाठा १३.९७ टीएमसीपर्यंत पोहोचला असून तो धरणाच्या एकूण क्षमतेच्या १३.२७ टक्के इतका आहे. धरणातील उपयुक्त अर्थात जिवंत पाणीसाठा ८.८५ टीएमसी असून तो एकूण क्षमतेच्या ८.८३ टक्के इतका नोंदविण्यात आला आहे. धरणाची पाण्याची पातळी २०३९ फूट ०५ इंच म्हणजेच ६२१.६१४ मीटर इतकी झाली आहे. कोयना खोऱ्यात मागील चोवीस तासांत चांगला पाऊस झाला असून कोयना येथे ९५ मिमी, नवजा येथे ११२ मिमी तर महाबळेश्वर येथे सर्वाधिक १४२ मिमी पावसाची नोंद झाली आहे. यावर्षीचा एकूण संचयी पाऊस अनुक्रमे कोयना येथे १३० मिमी, नवजा येथे १९९ मिमी आणि महाबळेश्वर येथे १७९ मिमी इतका झाला आहे. सध्या धरणात २ हजार ३९४ क्युसेक पाण्याची आवक सुरू असून या आवकेमुळे जलसाठ्यात सातत्य...

‘माझी शाळा आदर्श शाळा’ उपक्रमाला बळ; कुंभरोशी जिल्हा परिषद शाळेला ८० हजार रुपयांचे विज्ञान प्रयोगशाळा साहित्य प्राप्त प्रतापगड | प्रतिनिधी विद्यार्थ्यांमध्ये वैज्ञानिक दृष्टिकोन विकसित व्हावा आणि प्रयोगांच्या माध्यमातून शिक्षण अधिक प्रभावी व गुणवत्तापूर्ण व्हावे या उद्देशाने जिल्हा परिषद शाळा कुंभरोशी येथे विज्ञान प्रयोगशाळा विकसित करण्यासाठी करण्यात आलेल्या मागणीला यश मिळाले असून शाळेला तब्बल ८० हजार रुपये किमतीचे विज्ञान प्रयोगशाळा साहित्य उपलब्ध झाले आहे. ‘माझी शाळा आदर्श शाळा’ या संकल्पनेतून शाळेच्या सर्वांगीण विकासासाठी सातत्याने प्रयत्न सुरू असून त्याचाच एक भाग म्हणून विज्ञान विषयाचे अध्यापन अधिक प्रात्यक्षिक स्वरूपात करण्यासाठी आधुनिक प्रयोगशाळेची आवश्यकता व्यक्त करण्यात आली होती. या मागणीची दखल घेत शाळेसाठी विविध विज्ञान प्रयोगांसाठी आवश्यक असलेले साहित्य उपलब्ध करून देण्यात आले आहे. या साहित्यामुळे विद्यार्थ्यांना केवळ पाठ्यपुस्तकापुरते मर्यादित न राहता प्रत्यक्ष प्रयोग करून विज्ञानातील संकल्पना समजून घेता येणार आहेत. यामुळे विद्यार्थ्यांमध्ये संशोध...

अभंग फाउंडेशनचा विद्यार्थ्यांसाठी प्रेरणादायी उपक्रम; गुणवंतांचा गौरव आणि गरजू विद्यार्थ्यांना शैक्षणिक साहित्य वाटप पोलादपूर | प्रतिनिधी विद्यार्थ्यांमध्ये शैक्षणिक गुणवत्तेला प्रोत्साहन देण्याबरोबरच गरजू आणि अनाथ विद्यार्थ्यांच्या शिक्षणासाठी आधार निर्माण करण्याच्या उद्देशाने अभंग फाउंडेशन महाराष्ट्राच्या वतीने गुरुवार, दि. २५ जून २०२६ रोजी पोलादपूर येथे भव्य गुणगौरव सोहळ्याचे आयोजन करण्यात आले आहे. कोंढवी विभागातील इयत्ता दहावी परीक्षेत तसेच विविध स्पर्धा परीक्षांमध्ये उल्लेखनीय यश संपादन केलेल्या विद्यार्थ्यांचा यावेळी सत्कार करण्यात येणार असून, पोलादपूर तालुक्यातील अनाथ विद्यार्थ्यांचे शैक्षणिक पालकत्व स्वीकारण्याबरोबरच गरजू विद्यार्थ्यांना शैक्षणिक साहित्याचे वाटपही करण्यात येणार आहे. हा कार्यक्रम सकाळी ११ वाजता पोलादपूर येथील कॅप्टन विक्रमराव मोरे सभागृहात आयोजित करण्यात आला असून परिसरातील विद्यार्थी, पालक आणि नागरिकांमध्ये याबाबत उत्सुकता निर्माण झाली आहे. कार्यक्रमाच्या अध्यक्षस्थानी हिरवल प्रतिष्ठान महाडचे संस्थापक-अध्यक्ष मा. श्री. किशोर भाई धारिय...

पाचगणीत महाकाय वृक्ष कोसळून थरारक दुर्घटना; दोन वाहने व चहाची टपरी चक्काचूर, तिघेजण मृत्यूच्या दाढेतून बचावले पाचगणी | प्रतिनिधी गेल्या काही दिवसांपासून सुरू असलेल्या संततधार पावसाचा फटका आता पाचगणी परिसराला बसू लागला असून सोमवारी सकाळी पाचगणी-वाई मुख्य मार्गावर एक भीषण दुर्घटना घडली. पाचगणीतील डॉ. बाबासाहेब आंबेडकर गार्डनसमोर उभा असलेला महाकाय पिंप्रण वृक्ष अचानक उन्मळून पडत समोरच्या बाजूला असलेल्या मोठ्या आंब्याच्या झाडावर कोसळला. या प्रचंड धडकेमुळे दोन्ही झाडे मुळासकट उन्मळून मुख्य रस्त्यावर पडली. या दुर्घटनेत दोन वाहने आणि एक चहाची टपरी पूर्णपणे चिरडली गेली. मात्र, सुदैवाने तिघेजण या भीषण प्रसंगातून थोडक्यात बचावल्याने मोठी जीवितहानी टळली. काटवली (ता. जावळी) येथील नितीन बेलोशे हे आपल्या मालकीच्या मारुती सुझुकी वॅगनआर कारमधून (क्र. एमएच ११ बीव्ही ५९२५) पाचगणीतून वाईच्या दिशेने जात होते. ते डॉ. बाबासाहेब आंबेडकर गार्डनसमोर पोहोचले असता समोरून अचानक एक महाकाय वृक्ष कोसळताना त्यांच्या निदर्शनास आला. प्रसंगावधान राखत त्यांनी तातडीने वाहन थांबवून ते मागे घेण्या...

महाबळेश्वर पंचायत समितीचा लोकाभिमुख निर्णय; ग्रामपंचायत अधिकारी व ग्रामसेवक आता ठरलेल्या दिवशी गावातच उपलब्ध महाबळेश्वर, प्रतिनिधी :   नागरिकांना ग्रामपंचायत स्तरावरील कामांसाठी वारंवार पंचायत समिती कार्यालयात फेऱ्या माराव्या लागू नयेत आणि त्यांच्या वेळेची तसेच खर्चाची बचत व्हावी, या उद्देशाने महाबळेश्वर पंचायत समितीने एक अभिनव आणि लोकाभिमुख उपक्रम हाती घेतला आहे. या उपक्रमाअंतर्गत ग्रामपंचायत अधिकारी तसेच ग्रामसेवक यांच्या गावभेटीचे निश्चित वार ठरविण्यात आले असून त्याचे अधिकृत वेळापत्रकही जाहीर करण्यात आले आहे. या उपक्रमामुळे नागरिकांना जन्म-मृत्यू नोंदी, दाखले, विविध शासकीय योजनांचे प्रस्ताव, कर आकारणी, विकासकामांशी संबंधित बाबी तसेच ग्रामपंचायतीच्या दैनंदिन प्रशासकीय कामांसाठी पंचायत समिती कार्यालयात वारंवार येण्याची गरज राहणार नाही. संबंधित अधिकारी आणि ग्रामसेवक ठरलेल्या दिवशी संबंधित गावात उपस्थित राहून नागरिकांच्या समस्या जाणून घेतील तसेच प्रलंबित कामांचा तत्काळ निपटारा करण्याचा प्रयत्न करतील. महाबळेश्वर पंचायत समितीच्या या निर्णयामुळे प्रशासन अधिक ...

आंतरराष्ट्रीय एकल महिला सन्मान दिन उत्साहात साजरा; शेकडो महिलांना विविध शासकीय योजनांचा लाभ महाबळेश्वर, दि. 23 : तहसील कार्यालय महाबळेश्वर, पंचायत समिती महाबळेश्वर, महाराष्ट्र राज्य ग्रामीण जीवनोन्नती अभियान (उमेद) आणि महिला व बाल विकास विभाग (आयसीडीएस) यांच्या संयुक्त विद्यमाने आंतरराष्ट्रीय एकल महिला सन्मान दिनानिमित्त खादी ग्रामोद्योग मधसंचनालय, महाबळेश्वर येथे विशेष सक्षमीकरण कार्यक्रमाचे उत्साहपूर्ण वातावरणात आयोजन करण्यात आले. या कार्यक्रमात तालुक्यातील विविध ग्रामपंचायतींमधील एकल महिला, स्वयंसहाय्यता बचत गटांच्या सदस्यांसह ग्रामसंघ आणि प्रभाग संघाच्या पदाधिकारी महिलांनी मोठ्या संख्येने सहभाग नोंदविला. महिलांच्या सामाजिक, आर्थिक आणि मानसिक सक्षमीकरणाला चालना देण्याच्या उद्देशाने आयोजित या कार्यक्रमाला तहसीलदार सचिन मस्के, गटविकास अधिकारी विजय विभुते, जिल्हा परिषद सदस्य संजय केळगणे, पंचायत समिती सभापती शकुंतला रमेश चोरमले, उपसभापती संजय मोरे, पंचायत समिती सदस्या वंदना प्रवीण भिलारे, पंचायत समिती सदस्य संजय शेलार, प्रवीण भिलारे, जिल्हा समन्वयक समिती सदस्य गणेश उतेकर, तालुका शिवसेन...

आठवडे बाजारातील चिखलामुळे नागरिकांची गैरसोय; पुढील मंगळवारपासून बाजार छत्रपती संभाजी महाराज वाहनतळावर नगराध्यक्ष, नगरसेवक आणि प्रशासनाचा तातडीचा निर्णय; नागरिकांची दिलगिरी व्यक्त महाबळेश्वर | प्रतिनिधी महाबळेश्वर शहरातील मंगळवारी भरत असलेल्या पारंपरिक आठवडे बाजार परिसरात सुरू असलेल्या रस्त्याच्या कामामुळे मोठ्या प्रमाणात चिखल निर्माण झाल्याने व्यापारी, शेतकरी तसेच नागरिकांची मोठी गैरसोय झाल्याचे चित्र आज पाहायला मिळाले. बाजारासाठी आलेल्या नागरिकांना चिखलातून मार्ग काढावा लागल्याने अनेकांनी नाराजी व्यक्त केली. या परिस्थितीची तातडीने दखल घेत नगराध्यक्ष सुनील शिंदे, सर्व नगरसेवक आणि नगरपरिषद प्रशासनाने महत्त्वपूर्ण निर्णय घेतला आहे. येत्या मंगळवारपासून भरणारा आठवडे बाजार तात्पुरत्या स्वरूपात छत्रपती संभाजी महाराज वाहनतळ येथे भरविण्यात येणार असल्याची माहिती नगरसेवक रोहित ढेबे यांनी दिली. रस्त्याचे काम पूर्ण होईपर्यंत नागरिक व व्यापाऱ्यांची गैरसोय टाळण्यासाठी हा निर्णय घेण्यात आला आहे. महाबळेश्वर शहरातील आठवडे बाजार हा परिसरातील शेतकरी, व्यापारी आणि ग्राहकांसाठी...

प्रतापगडाच्या पायथ्याशी शूरवीर जिवाजी महाले यांचे भव्य स्मारक उभारण्याची मागणी उदयनराजे भोसले यांना निवेदन; ‘मुख्यमंत्र्यांशी चर्चा करून प्रश्न मार्गी लावू’ असे आश्वासन पाटण | प्रतिनिधी प्रतापगडाच्या ऐतिहासिक लढाईत छत्रपती शिवाजी महाराजांचे प्राण वाचवून स्वराज्याच्या इतिहासात अमिट ठसा उमटविणारे शूरवीर जिवाजी महाले यांच्या पराक्रमाचे स्मरण कायम राहावे आणि भावी पिढ्यांना इतिहासातून प्रेरणा मिळावी, यासाठी प्रतापगडाच्या पायथ्याशी त्यांचे भव्य स्मारक उभारण्यात यावे, अशी मागणी शूरवीर जिवाजी महाले उत्सव समिती आणि स्वाभिमानी नाभिक समाज संघटना, महाराष्ट्र राज्य यांच्या वतीने करण्यात आली आहे. या मागणीसंदर्भात संस्थापक अध्यक्ष समाजभूषण शंकरराव गायकवाड यांच्या नेतृत्वाखालील शिष्टमंडळाने छत्रपती शिवाजी महाराजांचे थेट तेरावे वंशज व खासदार उदयनराजे भोसले यांची भेट घेऊन निवेदन सादर केले. निवेदनात प्रतापगडाच्या लढाईतील जिवाजी महाले यांच्या शौर्याचा विशेष उल्लेख करण्यात आला आहे. अफझलखान वधाच्या वेळी सय्यद बांदाने छत्रपती शिवाजी महाराजांवर हल्ला केल्यानंतर जिवाजी महाले यांनी ...

शिवमुद्रा प्रतिष्ठानचा सामाजिक वसा; चिरेखिंडच्या विद्यार्थ्यांच्या हाती ज्ञानाची शिदोरी सलग २५ वर्षे शैक्षणिक साहित्य वाटपाचा उपक्रम; दुर्गम भागातील शिक्षणासाठी संस्थेची अखंड साथ पोलादपूर | प्रतिनिधी समाजातील अनेक संस्था विविध सामाजिक उपक्रम राबवत असतात; मात्र एखाद्या दुर्गम गावातील शाळेशी नाळ जोडून तब्बल पंचवीस वर्षे सातत्याने विद्यार्थ्यांच्या पाठीशी उभे राहणे, ही दुर्मिळ सामाजिक बांधिलकी मानली जाते. अशाच सामाजिक जाणिवेचे दर्शन घडवत शिवमुद्रा प्रतिष्ठान, पोलादपूरच्या वतीने प्रतापगडाच्या पायथ्याशी वसलेल्या दुर्गम चिरेखिंड प्राथमिक शाळेतील विद्यार्थ्यांना शैक्षणिक साहित्याचे वाटप करण्यात आले. ज्ञानदानाचा हा उपक्रम यंदा सलग २५ व्या वर्षात पदार्पण करत असून विद्यार्थ्यांच्या शैक्षणिक वाटचालीला बळ देणारा ठरला आहे. नवीन शैक्षणिक वर्ष सुरू होताच अनेक पालकांसमोर वह्या, पुस्तके आणि इतर शालेय साहित्य खरेदीचे आव्हान उभे राहते. अशा परिस्थितीत शाळेच्या पहिल्याच दिवसांत आवश्यक साहित्य विद्यार्थ्यांच्या हातात मिळाल्याने चिरेखिंडच्या चिमुकल्यांच्या चेहऱ्यावर समाधान आणि आनं...

हातलोट गावात एसटी बस सेवेचा शुभारंभ; ग्रामस्थांची अनेक वर्षांची मागणी अखेर पूर्ण श्री गणेश उतेकर यांच्या पाठपुराव्याला यश; अजित संकपाळ व संजय मोरे यांचे विशेष सहकार्य महाबळेश्वर प्रतिनिधी  महाबळेश्वर तालुक्यातील दुर्गम समजल्या जाणाऱ्या हातलोट गावासाठी अखेर एसटी बस सेवा सुरू करण्यात आली असून, यामुळे ग्रामस्थांची अनेक वर्षांपासूनची प्रलंबित मागणी पूर्ण झाली आहे. या बस सेवेच्या प्रारंभामुळे विद्यार्थ्यांसह शेतकरी, महिला, ज्येष्ठ नागरिक आणि नोकरदार वर्गाला मोठा दिलासा मिळाला आहे. हातलोट गावात एसटी बस सेवा सुरू व्हावी यासाठी शिवसेना महाबळेश्वर तालुकाप्रमुख श्री गणेश उतेकर यांनी सातत्याने पाठपुरावा केला होता. ग्रामीण भागातील नागरिकांना वाहतुकीच्या सोयीअभावी विविध अडचणींना सामोरे जावे लागत होते. गावातून तालुक्याच्या ठिकाणी तसेच इतर महत्त्वाच्या ठिकाणी जाण्यासाठी खासगी वाहनांवर अवलंबून राहावे लागत असल्याने आर्थिक आणि वेळेचा मोठा भार सहन करावा लागत होता. ग्रामस्थांच्या या समस्येची दखल घेत श्री गणेश उतेकर यांनी संबंधित विभागांकडे वारंवार पाठपुरावा करून बस सेवा सुर...

आरफळ जिल्हा परिषद शाळेत ‘शाळापूर्व तयारी मेळावा २’ उत्साहात संपन्न विद्यार्थ्यांच्या सर्वांगीण विकासासाठी उपक्रम; पालकांना अध्ययन निष्पत्तीबाबत मोलाचे मार्गदर्शन सातारा प्रतिनिधी : सातारा तालुक्यातील आरफळ येथील जिल्हा परिषद प्राथमिक शाळेत विद्यार्थ्यांच्या उज्ज्वल शैक्षणिक भविष्यासाठी आणि आनंददायी शिक्षणाची भक्कम पायाभरणी करण्याच्या उद्देशाने ‘शाळापूर्व तयारी मेळावा २’ मोठ्या उत्साहात संपन्न झाला. “शाळेच्या तयारीकडे आनंदी वाटचाल” हे ब्रीदवाक्य घेऊन आयोजित करण्यात आलेल्या या मेळाव्याला विद्यार्थी, पालक आणि ग्रामस्थांचा उत्स्फूर्त प्रतिसाद लाभला. बालकांना शाळेच्या वातावरणाची ओळख व्हावी, त्यांच्यात शिक्षणाबाबत आत्मविश्वास निर्माण व्हावा तसेच शाळेत प्रवेश घेण्यापूर्वी आवश्यक असलेल्या विविध कौशल्यांचा विकास व्हावा, या उद्देशाने विविध उपक्रमांचे आयोजन करण्यात आले होते. खेळ, गाणी, कृतीप्रधान शिक्षण, बौद्धिक व शारीरिक विकासाला चालना देणारे मनोरंजक उपक्रम यामधून विद्यार्थ्यांना शिक्षणाची गोडी लावण्याचा प्रयत्न करण्यात आला. मेळाव्यादरम्यान शाळा आणि पालक या...