"एक झाड माझ्या गावासाठी, माझ्या पुढील पिढीसाठी"; घावरी येथे भव्य वृक्षारोपण अभियान उत्साहात संपन्न

"एक झाड माझ्या गावासाठी, माझ्या पुढील पिढीसाठी" संकल्पनेतून घावरी येथे भव्य वृक्षारोपण अभियान उत्साहात संपन्न

प्रतापगड  प्रतिनिधी :

 पर्यावरण संवर्धनाचा संदेश देत आणि भावी पिढ्यांसाठी हिरवागार वारसा निर्माण करण्याच्या उद्देशाने ग्राम सेवा संघ घावरी मुंबई आणि ग्रामस्थ मंडळ घावरी यांच्या संयुक्त विद्यमाने "एक झाड माझ्या गावासाठी, माझ्या येणाऱ्या पुढील पिढीसाठी" या प्रेरणादायी संकल्पनेतून भव्य वृक्षारोपण अभियान उत्साहपूर्ण वातावरणात संपन्न झाले.

वाढते प्रदूषण, हवामान बदल आणि घटत चाललेले हरित क्षेत्र यांचा विचार करून गावातील ज्येष्ठ मंडळी, महिला भगिनी, युवक आणि ग्रामस्थांनी एकत्र येत पर्यावरण संवर्धनाचा संदेश देणाऱ्या या उपक्रमात उत्स्फूर्त सहभाग नोंदवला. वृक्ष लागवड ही काळाची गरज असून भविष्यातील पिढ्यांसाठी निरोगी आणि समृद्ध पर्यावरण निर्माण करण्याचा हा एक महत्त्वपूर्ण प्रयत्न असल्याची भावना यावेळी व्यक्त करण्यात आली.

या उपक्रमासाठी गावातील ज्येष्ठ नेते श्री नामदेव रामचंद्र सकपाळ, श्री बापू कोंडिबा सकपाळ, श्री नारायण हरिश्चंद्र सकपाळ, मंडळाचे अध्यक्ष श्री बाळकृष्ण भगवान सकपाळ, माजी अध्यक्ष श्री प्रकाश किसन सकपाळ, श्री महादेव तुकाराम सकपाळ, श्री रमेश गणपत सकपाळ, शाखा प्रमुख ५१ गोरेगाव, मंडळाचे सहसचिव श्री संदीप मारुती सकपाळ तसेच प्रमुख सल्लागार श्री तानाजी एल. सकपाळ यांच्या उपस्थितीत कार्यक्रम पार पडला. याशिवाय गावातील बहुसंख्य महिला भगिनी आणि ग्रामस्थ मोठ्या संख्येने उपस्थित होते.

यावेळी विविध प्रकारच्या वृक्षांची लागवड करण्यात आली. लावण्यात आलेले प्रत्येक रोपटे भविष्यात शुद्ध हवा, सावली, जैवविविधतेचे संवर्धन आणि पर्यावरणाचा समतोल राखण्यासाठी मोलाचे योगदान देईल, असा विश्वास उपस्थितांनी व्यक्त केला. वृक्ष हे केवळ निसर्गाचे अमूल्य देणं नसून मानवाच्या जीवनाचा आधारस्तंभ आहेत, अशी भावना यावेळी सर्वांनी व्यक्त केली.

हा उपक्रम केवळ वृक्षारोपणापुरता मर्यादित नसून पर्यावरण संवर्धनाची सामूहिक जबाबदारी स्वीकारण्याचा आणि पुढील पिढ्यांसाठी हिरवाईचा वारसा जपण्याचा एक प्रेरणादायी संकल्प असल्याचे आयोजकांनी सांगितले. लावलेल्या वृक्षांचे संगोपन आणि संवर्धन करण्याची जबाबदारीही प्रत्येकाने स्वीकारण्याचे आवाहन यावेळी करण्यात आले.

या पवित्र उपक्रमात प्रत्यक्ष किंवा अप्रत्यक्षपणे सहभागी झालेल्या सर्व ज्येष्ठ मंडळी, महिला भगिनी, युवक आणि ग्रामस्थांचे ग्राम सेवा संघ घावरी मुंबई व ग्रामस्थ मंडळ घावरी यांच्या वतीने मनःपूर्वक आभार व्यक्त करण्यात आले तसेच सर्वांचे हार्दिक अभिनंदन करण्यात आले.

"चला, झाडे लावूया... झाडे जगवूया... आणि आपल्या पुढील पिढीसाठी हिरवागार घावरी घडवूया!" या संदेशासह पर्यावरण संवर्धनाचा निर्धार उपस्थितांनी व्यक्त केला.