महाबळेश्वर तालुक्यात राष्ट्रवादी काँग्रेस (अजित पवार गट) ॲक्शन मोडवरजिल्हा परिषद–पंचायत समिती निवडणुकीच्या पार्श्वभूमीवर रॉक फोर्ड रिसॉर्ट येथे सहविचार सभा संपन्न
जिल्हा परिषद–पंचायत समिती निवडणुकीच्या पार्श्वभूमीवर रॉक फोर्ड रिसॉर्ट येथे सहविचार सभा संपन्न
जितेंद्र करंडे
प्रतापगड प्रतिनिधी :
महाबळेश्वर तालुक्यात येऊ घातलेल्या जिल्हा परिषद व पंचायत समिती निवडणुकांच्या अनुषंगाने राष्ट्रवादी काँग्रेस (अजित पवार गट)ने जोरदार तयारीला सुरुवात केली आहे. याच पार्श्वभूमीवर पक्षाची सहविचार सभा रॉक फोर्ड रिसॉर्ट येथे उत्साहात पार पडली. या सभेतून तालुका मदत पुनर्वसन मंत्री मकरंद आबा पाटील यांच्या नेतृत्वाखाली तालुक्याची वाटचाल पुढे नेण्याचा निर्धार करण्यात आला.
---
अंतिम निर्णय ‘त्रिसूत्री’कडे
या बैठकीतून निवडणुकीतील उमेदवारी, आघाडी-गठबंधन व रणनीतीसंदर्भातील अंतिम निर्णय घेण्याचा अधिकार तालुक्यातील त्रिसूत्री नेतृत्वाकडे सोपविण्यात आला आहे.
तालुकाध्यक्ष बाबुराव सपकाळ
जिल्हा बँकेचे संचालक राजुशेठ राजपुरे
माजी सभापती संजूबाबा गायकवाड
या तिघांवर पक्षाने संपूर्ण विश्वास दाखवत निवडणूक लढविण्याचा अधिकार प्रदान केला.
---
आबांच्या विचाराने तालुका एकमुखी
सभेत उपस्थित सर्व पदाधिकारी, कार्यकर्ते व स्थानिक नेतृत्वाने “तालुका आबांच्या विचारानेच पुढे जाईल” असा एकमुखी ठराव केला.
मंत्री मकरंद पाटील यांच्या पुढाकाराने महाबळेश्वर तालुक्यातील विकासकामांना गती मिळत असल्याचेही मत यावेळी व्यक्त करण्यात आले. त्यामुळे निवडणुकीच्या रणधुमाळीत कार्यकर्त्यांचा आत्मविश्वास दुणावला आहे.
---
गावोगावी कार्यकर्त्यांची मोर्चेबांधणी
या सहविचार सभेला तालुक्यातील विविध गावांमधून मोठ्या संख्येने पदाधिकारी व कार्यकर्त्यांची उपस्थिती लक्षणीय ठरली.
यामध्ये सुरेश जाधव, नाना जाधव (माघर), डॉ. प्रमोद शेलार, नितीन दादा भिलारे, संजय उतेकर यांच्यासह अनेक सरपंच-उपसरपंच, सोसायटी चेअरमन आणि युवा पदाधिकारी सहभागी झाले.
तसेच मुन्ना वारूणर, अकबर वारूणकर, भाऊ दादा जाधव यांच्यासह जिल्हा नियोजन मंडळाचे सदस्य प्रवीण भिलारे यांची उपस्थिती विशेष ठरली.
---
निवडणुकीसाठी जोरदार रणनीती
या बैठकीतून स्पष्ट करण्यात आले की आगामी निवडणुकीसाठी राष्ट्रवादी काँग्रेस (अजित पवार गट) गावोगावी कार्यकर्त्यांना एकवटून मोठ्या प्रमाणावर मोर्चेबांधणी करणार आहे.
गावपातळीवर संवाद, कार्यकर्त्यांची जुळवाजुळव, स्थानिक प्रश्नांवर ठोस भूमिका घेऊन जिल्हा परिषद व पंचायत समितीवर राष्ट्रवादी काँग्रेसचा झेंडा फडकवण्याचा निर्धार करण्यात आला.
---
तालुक्यात निवडणुकीची रंगत वाढली
या सभेने महाबळेश्वर तालुक्यातील आगामी निवडणुकीची रंगत आणखी वाढवली आहे. आता त्रिसूत्री नेतृत्व कोणते उमेदवार मैदानात उतरवते याकडे सर्वांचे लक्ष लागले आहे. राष्ट्रवादी काँग्रेस अजित पवार गटाची ही रणनीती आगामी निवडणुकीत तालुक्यात कशी फळाला येते, हे पाहणे औत्सुक्याचे ठरणार आहे.
Comments
Post a Comment