“अमृत महोत्सवात जनतेला जीवनदायी भेट; कांदाटी विभागासाठी रुग्णवाहिका सेवेला शुभारंभ
प्रतापगड प्रतिनिधी :
महाबळेश्वर तालुक्यातील कांदाटी विभागासाठी आजचा दिवस अत्यंत ऐतिहासिक आणि दिलासादायक ठरला असून, समाजभूषण मा. मूर्ती श्री. एच. बी. जंगम साहेब यांच्या अमृत महोत्सवानिमित्त त्यांच्या सुपुत्र मा. विशाल हरिश्चंद्र जंगम यांनी विभागाला रुग्णवाहिकेची मोलाची भेट दिली. या रुग्णवाहिकेचे उद्घाटन महाराष्ट्र राज्याचे मदत व पुनर्वसन मंत्री मा. नामदार मकरंद पाटील यांच्या हस्ते उत्साहात पार पडले.
कांदाटी विभागात आतापर्यंत रुग्णवाहिका सुविधा उपलब्ध नसल्यामुळे अनेक रुग्णांना वेळेत उपचार मिळू शकले नाहीत आणि काहींना जीव गमवावा लागल्याच्या दुर्दैवी घटना घडल्या होत्या. ही गंभीर समस्या ओळखून जंगम कुटुंबियांनी आपल्या ७५ व्या वाढदिवसाच्या आणि अमृत महोत्सवाच्या निमित्ताने समाजोपयोगी उपक्रम हाती घेत, रुग्णवाहिका देऊन जनतेसाठी जीवनदायी सेवा सुरू केली आहे. या उपक्रमामुळे परिसरातील नागरिकांना आता तातडीने वैद्यकीय मदत मिळणार असून, आरोग्य व्यवस्थेत मोठा दिलासा मिळणार आहे.
या कार्यक्रमाला सभापती रमेश चोरमले, उपसभापती संजय मोरे, बाबुराव दादासपकाळ, प्रविण भिलारे, संजय जंगम, नगरसेवक सीताराम सर, किशोर मोरे, ताताराम पाटील (१६ गाव अध्यक्ष), संतोष आखाडे, सरपंच आकल्पे, सरपंच रविंद्र ढेबे, विलास मोरे, साळुके गुरुजी, सुभाष कदम, रमेश मोरे, अरविंद मोरे, सागर शेठ कदम यांच्यासह अनेक मान्यवर व ग्रामस्थ मोठ्या संख्येने उपस्थित होते.
कार्यक्रमात उपस्थित मान्यवरांनी जंगम कुटुंबियांच्या या सामाजिक बांधिलकीचे कौतुक करत, ही रुग्णवाहिका सेवा कांदाटी विभागातील जनतेसाठी वरदान ठरणार असल्याचे मत व्यक्त केले. स्थानिक नागरिकांनीही या उपक्रमाबद्दल कृतज्ञता व्यक्त करत जंगम साहेबांचे आभार मानले.
एकूणच, अमृत महोत्सवाच्या निमित्ताने दिलेली ही रुग्णवाहिका केवळ एक भेट नसून, अनेकांच्या जीवाला आधार देणारी आणि आरोग्य सेवेला नवे बळ देणारी ठरली आहे.
Comments
Post a Comment