अपक्ष असूनही ठोस व्हिजन; सतीश साळुंखेंच्या उमेदवारीची महाबळेश्वरमध्ये जोरदार चर्चा

अपक्ष असूनही ठोस व्हिजन; सतीश साळुंखेंच्या उमेदवारीची महाबळेश्वरमध्ये जोरदार चर्चा

महाबळेश्वर प्रतिनिधी–

महाबळेश्वर नगरपालिका निवडणुकीत नगराध्यक्ष पदासाठी अपक्ष उमेदवार म्हणून सतीश हनुमंत साळुंखे निवडणूक रिंगणात उतरले असून त्यांच्या उमेदवारीची शहरभर जोरदार चर्चा सुरू आहे. पक्षाच्या चौकटीबाहेर राहूनही एक स्पष्ट व्हिजन आणि ठाम दृष्टिकोन घेऊन ते नागरिकांसमोर गेले असल्याने मतदारांमध्ये उत्सुकता निर्माण झाली आहे. महाबळेश्वरच्या विकासासाठी केवळ घोषणांवर नव्हे तर प्रत्यक्ष कामावर भर देणार असल्याचे साळुंखे यांनी स्पष्ट केले आहे. शहरातील पायाभूत सुविधा, स्वच्छता, पर्यटन व्यवस्थापन, स्थानिक युवकांना संधी आणि पारदर्शक प्रशासन या मुद्द्यांवर लक्ष केंद्रित करून नगरपालिकेचे कामकाज अधिक लोकाभिमुख करण्याचा आपला निर्धार असल्याचे त्यांनी सांगितले. अपक्ष उमेदवार असूनही कोणत्याही राजकीय दबावाशिवाय सर्वसामान्य नागरिकांच्या हितासाठी निर्णय घेता येतील, असा विश्वास त्यांनी व्यक्त केला आहे. त्यामुळे यंदाच्या निवडणुकीत सतीश साळुंखे यांची भूमिका आणि त्यांचा विचार महाबळेश्वरच्या राजकीय चर्चेच्या केंद्रस्थानी आला आहे.