असंघटित कामगारांना गृहउपयोगी साहित्य व संरक्षण किटचे वाटप : श्रीराम वरदायिनी कामगार ग्रुप, प्रतापगड-कुंभरोशी यांच्या वतीने उपक्रम
✍️ जितेंद्र कारंडे,
प्रतापगड प्रतिनिधी –
महाबळेश्वर तालुक्यातील कुंभरोशी येथे दिनांक ६ नोव्हेंबर २०२५ रोजी असंघटित कामगारांसाठी सामाजिक बांधिलकीतून एक अत्यंत उपयुक्त असा कार्यक्रम आयोजित करण्यात आला आहे. “श्रीराम वरदायिनी कामगार ग्रुप, प्रतापगड-कुंभरोशी” यांच्या वतीने या कार्यक्रमात असंघटित कामगारांना महाराष्ट्र शासनामार्फत गृहउपयोगी साहित्य तसेच संरक्षण किटचे वाटप करण्यात येणार आहे.
या उपक्रमाचे प्रमुख पाहुणे म्हणून सहकार रत्न माननीय श्री. राजेंद्र शेठ राजपुरे (संचालक, सातारा जिल्हा मध्यवर्ती बँक, सातारा) तसेच श्री. प्रवीण भिलारे (सदस्य, जिल्हा नियोजन समिती, सातारा) उपस्थित राहणार आहेत. या मान्यवरांच्या हस्ते कामगार बांधवांना विविध साहित्याचे वाटप करण्यात येणार असून, कार्यक्रमाचे आयोजन सकाळी ११.०० वाजता करण्यात आले आहे.
संस्थेचे अध्यक्ष सुरेश अप्पा जाधव यांनी दिलेल्या माहितीनुसार, या उपक्रमाचा उद्देश असंघटित क्षेत्रातील कामगारांना शासनाच्या योजनांबाबत जागरूक करणे, तसेच त्यांच्या दैनंदिन आयुष्यात उपयुक्त ठरणारे साहित्य उपलब्ध करून देणे हा आहे. ग्रामीण भागातील कामगार वर्गाला शासकीय योजनांचा थेट लाभ मिळावा, यासाठी श्रीराम वरदायिनी कामगार ग्रुप सातत्याने कार्यरत असल्याचे त्यांनी सांगितले.
कार्यक्रमास स्थानिक मान्यवर, ग्रामपंचायत प्रतिनिधी, सामाजिक कार्यकर्ते व नागरिक उपस्थित राहणार असून, या उपक्रमामुळे कुंभरोशी परिसरातील असंघटित कामगारांना मोठा दिलासा मिळणार आहे.
👉 स्थान : कुंभरोशी, ता. महाबळेश्वर
👉 दिनांक : ६ नोव्हेंबर २०२५, सकाळी ११.०० वा.
👉 आयोजक : श्रीराम वरदायिनी कामगार ग्रुप, प्रतापगड-कुंभरोशी
Comments
Post a Comment