महाबळेश्वर तालुक्यातील अवकाळी पावसाने पिकांचे मोठे नुकसानपंचनामे करण्याचे ना. मकरंद पाटील यांचे आदेश; शेतकऱ्यांची आर्थिक स्थिती बिकट


🌧️ महाबळेश्वर तालुक्यातील अवकाळी पावसाने पिकांचे मोठे नुकसान

पंचनामे करण्याचे ना. मकरंद पाटील यांचे आदेश; शेतकऱ्यांची आर्थिक स्थिती बिकट

✍️ जितेंद्र कारंडे, 

प्रतापगड प्रतिनिधी – 

महाबळेश्वर दि. २ :
महाबळेश्वर तालुक्यात गेल्या आठ दिवसांपासून सुरू असलेल्या अवकाळी पावसाने शेतकऱ्यांचे मोठे नुकसान झाले आहे. भात, वरी, नाचणी, वाटाणा या खरीप पिकांसह स्ट्रॉबेरीच्या लागवडीवर देखील पावसाचा तडाखा बसला आहे. या पार्श्वभूमीवर राज्याचे मदत व पुनर्वसन मंत्री ना. मकरंद (आबा) पाटील यांनी अधिकाऱ्यांना तातडीने शेतकऱ्यांच्या बांधावर जाऊन पंचनामे करण्याचे आदेश दिले आहेत.

ही माहिती पंचायत समितीचे माजी सभापती संजयबाबा गायकवाड, जिल्हा बँकेचे संचालक राजेंद्रशेठ राजपुरे, तसेच बाबूदादा संकपाळ यांनी पत्रकारांशी बोलताना दिली.

तालुक्यातील अनेक भागांत सततच्या पावसामुळे नुकतीच कापणी केलेली भात, वरी, नाचणी ही पिके शेतातच भिजून गेली आहेत. त्यामुळे शेतकऱ्यांच्या हातातोंडाशी आलेला घास हिरावला गेला असून अनेक शेतकरी आर्थिक संकटात सापडले आहेत. कोयना, सोळशी, कांदाटी , वाळण, आणि जावली सीमेवरील गावांमध्ये नुकसानाचे प्रमाण विशेषतः गंभीर असल्याचे सांगण्यात आले.

महाबळेश्वरची ओळख असलेल्या लालबुडूक स्ट्रॉबेरीच्या नव्या लागवडीवरही या अवकाळी पावसाचा मोठा परिणाम झाला आहे. त्यामुळे स्थानिक शेतकऱ्यांमध्ये निराशा पसरली असून आगामी हंगामाच्या नियोजनावर प्रश्नचिन्ह निर्माण झाले आहे.

या पार्श्वभूमीवर मंत्री मकरंद पाटील यांनी अधिकाऱ्यांना तातडीने पंचनामे करून अहवाल सादर करण्याचे आदेश दिले असून, शेतकऱ्यांना शक्य ती मदत लवकरात लवकर मिळवून देण्यासाठी ते स्वतः प्रयत्नशील असल्याचे सांगण्यात आले.

सातारा जिल्हा मध्यवर्ती बँकेचे संचालक राजेंद्र राजपुरे,माजी सभापती संजयबाबा गायकवाड,  आणि बाबूराव संकपाळ यांनी प्रशासनाला तातडीने प्रत्यक्ष नुकसान पाहणी करून पीडित शेतकऱ्यांना मदतीचा हात देण्याचे आवाहन केले आहे.

थोडक्यात मुद्दे :

  • अवकाळी पावसामुळे भात, वरी, नाचणी, वाटाणा, स्ट्रॉबेरीचे मोठे नुकसान
  • शेतकऱ्यांच्या आर्थिक स्थितीवर गंभीर परिणाम
  • मदत व पुनर्वसन मंत्री मकरंद पाटील यांचे पंचनाम्याचे आदेश
  • स्थानिक नेत्यांचा शेतकऱ्यांसाठी तातडीच्या मदतीचा आग्रह


Comments

Post a Comment

Maz_Gav_Mazi_Batmi_Mahabaleshwar

💬 Join Our WhatsApp Group

Maz_Gav_Mazi_Batmi_Mahabaleshwar

📘 Follow us on Facebook

Slider

AI for All

AI for All
AI आता अवघड नाही – प्रत्येकासाठी सोपं पुस्तक!

Most Popular

आंबेनळी घाटात पहाटे भीषण अपघात; ३००–४०० फूट दरीत कोसळलेल्या कारमधील प्रवाशांचे थरारक बचावकार्य

Image
आंबेनळी घाटात पहाटे भीषण अपघात; ३००–४०० फूट दरीत कोसळलेल्या कारमधील प्रवाशांचे थरारक बचावकार्य प्रतापगड प्रतिनिधी :  पोलादपूर तालुक्यातील आंबेनळी घाटातील बावली टोक–चिरेखिंड परिसरात गुरुवारी (दि. १२) पहाटे भीषण अपघात घडला. मुंबईहून आपल्या गावी परत येत असताना वॅग्नर कार सुमारे ३०० ते ४०० फूट खोल दरीत कोसळल्याची घटना सकाळी सुमारे ५.३० वाजण्याच्या सुमारास घडली. या घटनेनंतर परिसरात एकच खळबळ उडाली असून प्रतापगड सर्च अँड रेस्क्यू टीम, महाबळेश्वर ट्रेकर्स, स्थानिक ग्रामस्थ आणि पोलादपूर पोलिसांच्या मदतीने अत्यंत धाडसी पद्धतीने बचावकार्य राबवण्यात आले. मिळालेल्या माहितीनुसार, सातारा जिल्ह्यातील लाखवड गावचे काही ग्रामस्थ मुंबईहून आपल्या गावी येत होते. पहाटेच्या सुमारास आंबेनळी घाटातील बावली टोक–चिरेखिंड दरम्यान वाहनाचा ताबा सुटल्याने वॅग्नर कार रस्त्याच्या कडेला जाऊन खोल दरीत कोसळली. घाटातील हा भाग अत्यंत धोकादायक असल्याने अपघातानंतर वाहन थेट सुमारे ३०० ते ४०० फूट खोल दरीत जाऊन अडकले. पहाटेच्या शांत वातावरणात झालेल्या या अपघातामुळे स्थानिकांमध्ये चिंतेचे वातावरण निर्...
Read more

माचूतर येथे भीषण अपघात : एसटी–दुचाकीची समोरासमोर धडक; मोबाईल व्यावसायिक नरेश भोंडेकर यांचा जागीच मृत्यू

Image
माचूतर येथे भीषण अपघात : एसटी–दुचाकीची समोरासमोर धडक; मोबाईल व्यावसायिक नरेश भोंडेकर यांचा जागीच मृत्यू महाबळेश्वर, प्रतिनिधी :  महाबळेश्वर–मेढा मुख्य रस्त्यावर माचूतर गावाच्या हद्दीत शनिवारी दुपारी झालेल्या भीषण अपघातात दुचाकीस्वाराचा जागीच मृत्यू झाला. महाबळेश्वरहून साताऱ्याकडे जाणाऱ्या राज्य परिवहन महामंडळाच्या (एसटी) बस आणि समोरून येणाऱ्या दुचाकीची समोरासमोर जोरदार धडक झाल्याने हा दुर्दैवी अपघात घडला. या घटनेमुळे परिसरात काही काळ तणावाचे वातावरण निर्माण झाले असून महाबळेश्वर शहरासह टेकवली गावावर शोककळा पसरली आहे. पोलिसांकडून मिळालेल्या माहितीनुसार, महाबळेश्वरपासून सुमारे सहा किलोमीटर अंतरावरील माचूतर गावाच्या हद्दीत शनिवारी दुपारी सुमारे १२ वाजण्याच्या सुमारास हा अपघात झाला. महाबळेश्वरहून साताऱ्याकडे निघालेली राजमाता जिजाऊ एसटी बस (क्र. एमएच १४ एनई ४२२५) आणि महाबळेश्वरच्या दिशेने येणारी दुचाकी (क्र. एमएच ११ एव्ही २०८८) यांची समोरासमोर भीषण धडक झाली. या अपघातात नरेश रमेश भोंडेकर (वय ४५, रा. टेकवली, ता. महाबळेश्वर) यांचा जागीच मृत्यू झाला. धडक इतकी भ...
Read more

महाबळेश्वर–पाचगणी बंदचा सरकारवर परिणाम; मंत्रालयात उच्चस्तरीय बैठक, सुरूर–पोलादपूर रस्ता ३० एप्रिलपूर्वी पूर्ण करण्याचे आश्वासनl

Image
महाबळेश्वर–पाचगणी बंदचा सरकारवर परिणाम; मंत्रालयात उच्चस्तरीय बैठक, सुरूर–पोलादपूर रस्ता ३० एप्रिलपूर्वी पूर्ण करण्याचे आश्वासन ✍️मिलिंद काळे महाबळेश्वर प्रतिनिधी:  महाबळेश्वर–पाचगणी येथे नागरिकांनी पुकारलेल्या बंदच्या पार्श्वभूमीवर सुरूर–पोलादपूर राष्ट्रीय महामार्गावरील रखडलेली कामे आणि रस्त्याची अत्यंत खराब झालेली अवस्था याबाबत आज मंत्रालयात उच्चस्तरीय बैठक पार पडली. सार्वजनिक बांधकाम मंत्री Shivendraraje Bhosale आणि मदत व पुनर्वसन मंत्री Makarand Patil यांच्या प्रमुख उपस्थितीत झालेल्या या बैठकीत रस्त्याच्या कामांचा सविस्तर आढावा घेण्यात आला. सुरूर–पोलादपूर हा मार्ग राज्यातील अत्यंत महत्त्वाच्या पर्यटन मार्गांपैकी एक असून या मार्गावरून दररोज हजारो पर्यटक तसेच स्थानिक नागरिक प्रवास करतात. मात्र गेल्या काही महिन्यांपासून रस्त्याची अवस्था अत्यंत बिकट झाल्याने वाहनचालकांना मोठा त्रास सहन करावा लागत आहे. अनेक ठिकाणी मोठमोठे खड्डे पडले असून काही ठिकाणी कामे अर्धवट अवस्थेत असल्याने वाहतुकीस अडथळे निर्माण होत आहेत. या समस्यांमुळे महाबळेश्वर–पाचगणी परिसरातील नागरिकांमध्ये त...
Read more