सातारा वनविभागाची मोहिम यशस्वी; अवैध लाकूड वाहतूक करणारे ५ जण अटकेत

---

सातारा वनविभागाची मोहिम यशस्वी; अवैध लाकूड वाहतूक करणारे ५ जण अटकेत

विलास काळे,

महाबळेश्वर प्रतिनिधी – 

सातारा जिल्ह्यात वनसंपत्तीच्या संरक्षणासाठी सातारा वनविभागाच्या भरारी पथकाने दोन स्वतंत्र कारवाईत अवैध लाकूड वाहतूक करणाऱ्या वाहनांचे जप्तीकरण करून ५ आरोपींना अटक केली आहे. ही कारवाई दि. ११ ऑक्टोबर २०२५ रोजी रात्री आणि सकाळी करण्यात आली, ज्यामुळे वनविभागाच्या दक्षतेचा आणि तत्परतेचा उलगडा झाला आहे.

पिलानी परिसरात साग प्रजातीच्या लाकूडमालाची अवैध वाहतूक रोखली

सातारा वनविभागाला मिळालेल्या गुप्त माहितीनुसार, दि. ११/१०/२०२५ रोजी रात्री सातारा तालुक्यातील मौजे पिलानी हद्दीतून साग प्रजातीच्या लाकूडमालाची अवैध वाहतूक करीत असलेले १ महिंद्रा बोलेरो पिकअप वाहन (क्र. MH०४GC६३५४) उंब्रजच्या दिशेने जात असताना रोखले गेले. तपासणीअंती वाहनामध्ये साग प्रजातीचा लाकूडमाल आढळून आला.

वनविभागाने वाहन ताब्यात घेतले आणि आरोपींविरुद्ध भारतीय वनअधिनियम, १९२७ चे कलम ४१(२)(ब) अंतर्गत गुन्हा नोंदवला. आरोपींची नावे आणि तपशील असे:

1. ऋषीकेश सुरेश कदम, वय २९, रा. उंब्रज, ता. कराड, जि. सातारा
2. अमीर अब्बास सुतार, वय ६०, रा. कोडशी, ता. कराड, जि. सातारा

सदर कारवाई पुढील तपासासाठी वनक्षेत्रपाल सातारा करीत आहेत.

महाबळेश्वर-सातारा मार्गावर खैर लाकूड वाहतूक रोखली

त्याच दिवशी, सायंकाळी सातारा वनविभागाला मिळालेल्या गुप्त माहितीनुसार, महाबळेश्वर ते सातारा मार्गावर खैर प्रजातीच्या सोलीव लाकूडमालाची अवैध वाहतूक केली जात असल्याची माहिती मिळाली. त्यानुसार मौजे आंबेघर, ता. जावळी येथे भरारी पथकाने सापळा रचून महिंद्रा बोलेरो मॅक्स पिकअप वाहन (क्र. MH१२YB१६८१) सकाळी ४.३० वाजता रोखले. तपासणीअंती वाहनामध्ये कात तयार करण्यासाठी वापरण्यात येणारा खैर प्रजातीचा लाकूडमाल आढळला.

वनविभागाने वाहन ताब्यात घेतले आणि आरोपींविरुद्ध भारतीय वनअधिनियम, १९२७ चे कलम ४१(२)(ब) अंतर्गत गुन्हा नोंदवला. आरोपींची नावे अशी आहेत:

1. मारुती निवृत्ती भालेराव, वय ३८, रा. भोडे, ता. मुळशी, जि. पुणे
2. शिवराम लक्ष्मण गोळे, वय ५०, रा. वरुशी, ता. जावळी, जि. सातारा
3. राजू भोरया वाघमारे, वय ४०, रा. कोथुडी सोंडेवाडी, ता. महाड, जि. सातारा

कारवाईत सहभागी वनकर्मचाऱ्यांचा गौरव

सदरची कारवाई सातारा वनविभागाचे उपवनसंरक्षक श्री. अमोल सातपुते, विभागीय वनअधिकारी (दक्षता) श्री. संजय वाघमोडे यांच्या मार्गदर्शनाखाली पार पडली. या मोहिमेत प्रमुख सहभाग घेतला:

• श्री. गणेश महांगडे, वनक्षेत्रपाल (फिरते पथक, सातारा)
• श्री. डी.डी. बोडके, वनपाल (फिरते पथक)
• रामेश्वर घुले, अश्विनी नागवे, प्रकाश वाघ, दिनेश नेहरकर, वाहन चालक

वनविभागाने अवैध लाकूड वाहतूक करणाऱ्यांवर कारवाई करून वनसंपत्तीच्या संरक्षणात आपला महत्त्वाचा सहभाग सिद्ध केला आहे.

---