शिवसेनेचा मेढा येथे निर्धार मेळावा : पालकमंत्री शंभुराज देसाई यांची उपस्थितीअंकुश बाबा कदम यांचा नागरी सत्कार होणार

शिवसेनेचा मेढा येथे निर्धार मेळावा : पालकमंत्री शंभुराज देसाई यांची उपस्थिती
अंकुश बाबा कदम यांचा नागरी सत्कार होणार

✍️जितेंद्र करंडे, 

प्रतापगड प्रतिनिधी : 

मेढा, ता. ३१ – सातारा जिल्ह्याचे पालकमंत्री तथा शिवसेनेचे ज्येष्ठ नेते शंभुराज देसाई यांच्या प्रमुख उपस्थितीत शिवसेनेचा निर्धार मेळावा उद्या दि. १ नोव्हेंबर रोजी सायं. ४ वाजता कलश मंगल कार्यालय, मेढा येथे आयोजित करण्यात आला आहे. या मेळाव्यात शिवसेनेचा नवा राजकीय संकल्प जाहीर होणार असून आगामी स्थानिक स्वराज्य संस्थांच्या निवडणुकांसाठी पक्षाच्या रणनितीचा आराखडा निश्चित होणार आहे.

या मेळाव्याचे आणखी एक वैशिष्ट्य म्हणजे अंकुश बाबा कदम यांचा नवी मुंबई शिवसेनेच्या संपर्कप्रमुखपदी नियुक्ती झाल्याबद्दल होणारा नागरी सत्कार. या कार्यक्रमाचे आयोजन शिवसेना जिल्हा सहसंपर्क प्रमुख एकनाथदादा ओंबळे यांच्या मार्गदर्शनाखाली करण्यात आले आहे.

या वेळी शिवसेना प्रवक्त्या ज्योती वाघमारे, महिला आघाडीच्या नेत्या, युवासेना पदाधिकारी, तसेच जावळी तालुका आणि मेढा शहरातील प्रमुख शिवसैनिक मोठ्या संख्येने उपस्थित राहणार आहेत. मेळाव्याचे अध्यक्षस्थान पालकमंत्री शंभुराज देसाई भूषवणार असून, उपमुख्यमंत्री एकनाथ शिंदे यांच्या मार्गदर्शनाखाली हा निर्धार मेळावा पार पडणार आहे.

आगामी मेढा नगरपंचायत, जिल्हा परिषद, व पंचायत समिती निवडणुकांकडे पाहता हा मेळावा शिवसेनेच्या राजकीय शक्ती प्रदर्शनाचे एक महत्त्वाचे पाऊल ठरणार आहे. या मेळाव्यात आगामी निवडणुकांसाठी पक्षाची रणनीती, संघटन मजबूत करण्याचे नियोजन आणि स्थानिक पातळीवरील कार्यकर्त्यांची बांधिलकी यावर चर्चा होणार असल्याचे कळते.

शिवसेना, मेढा शहर शिवसेना, युवासेना, महिला संघटना, तसेच जावळी तालुका शिवसेनेच्या वतीने सर्व पदाधिकारी, शिवसैनिक, आणि नागरिकांना या निर्धार मेळाव्यास मोठ्या संख्येने उपस्थित राहण्याचे आवाहन करण्यात आले आहे.

---

कार्यक्रम तपशील:
📅 दिनांक: १ नोव्हेंबर २०२५
🕓 वेळ: सायंकाळी ४ वाजता
📍 स्थळ: कलश मंगल कार्यालय, मेढा
🎙 प्रमुख उपस्थिती: पालकमंत्री शंभुराज देसाई
🎖 नागरी सत्कार: अंकुश बाबा कदम (नवी मुंबई संपर्कप्रमुख, शिवसेना)