उपमुख्यमंत्री एकनाथ शिंदे यांच्या सत्कार सोहळ्यात शिवसेनेची संघटनात्मक ताकद अधोरेखित

उपमुख्यमंत्री एकनाथ शिंदे यांच्या सत्कार सोहळ्यात शिवसेनेची संघटनात्मक ताकद अधोरेखित

जितेंद्र कारंडे,

प्रतापगड, प्रतिनिधी –

 महाराष्ट्र राज्याचे उपमुख्यमंत्री व शिवसेना पक्षप्रमुख एकनाथजी शिंदे यांच्या हस्ते सातारा उपजिल्हा प्रमुख पदी नुकतीच नियुक्ती झालेल्या संजय शेलार तसेच उपजिल्हा संघटकपदी नियुक्त समीरजी चव्हाण यांचा उत्साहपूर्ण सत्कार करण्यात आला. हा कार्यक्रम सातारा येथे पार पडला असून या सोहळ्याला शिवसेनेचे पदाधिकारी आणि शिवसैनिक मोठ्या संख्येने उपस्थित होते.

या वेळी विभाग प्रमुख बाळू माने, महाबळेश्वर शहरप्रमुख विजयभाऊ नायडू, शिवसेना पदाधिकारी, तालुक्यातील प्रमुख कार्यकर्ते तसेच स्थानिक शिवसैनिक उपस्थित होते. सत्कार कार्यक्रमादरम्यान उपमुख्यमंत्री एकनाथ शिंदे यांनी नव्या पदाधिकाऱ्यांचे अभिनंदन करताना पक्ष संघटनेची दिशा आणि पुढील भूमिका यावर मार्गदर्शन केले.

शिंदे साहेब म्हणाले की, "सातारा जिल्ह्यात शिवसेना सातत्याने जनतेच्या प्रश्नांवर काम करत आहे. आमच्या प्रत्येक कार्यकर्त्यामध्ये जनसेवा हीच पक्षभक्ती आहे. संघटना मजबूत करणे, सामान्य जनतेचा विश्वास जिंकणे आणि विकासाला प्राधान्य देणे हीच खरी शिवसेनेची ओळख आहे." त्यांनी नव्या पदाधिकाऱ्यांना उद्देशून सांगितले की, "तालुक्यातील प्रत्येक गावापर्यंत आपली संघटना पोहोचली पाहिजे. जनतेच्या समस्या जाणून त्यावर तत्काळ उपाय करण्याचे काम करा. पक्षाच्या विचाराशी निष्ठा ठेवून शिवसेना अधिक मजबूत करा."

सत्काराला प्रतिसाद देताना उपजिल्हा प्रमुख संजय शेलार यांनी विश्वास व्यक्त केला की, शिंदे साहेबांच्या नेतृत्वाखाली सातारा जिल्ह्यातील शिवसेना अधिक संघटितपणे उभी राहील. तर उपजिल्हा संघटक समीरजी चव्हाण यांनी तालुका पातळीवर कार्यकर्त्यांना न्याय देऊन पक्षवाढीसाठी कार्यरत राहण्याचा निर्धार व्यक्त केला.

या कार्यक्रमातून शिवसेनेची संघटनात्मक ताकद आणि पक्षनिष्ठा पुन्हा एकदा अधोरेखित झाल्याचे पाहायला मिळाले. उपमुख्यमंत्री शिंदे यांच्या मार्गदर्शनाखाली नव्या पदाधिकाऱ्यांनी तालुक्यातील जनतेच्या प्रश्नांवर लक्ष केंद्रित करून विकासाभिमुख कार्याला प्राधान्य देण्याचे आश्वासन दिले.

---