हौसाबाई शंकर पाटील यांचे मरणोत्तर नेत्रदान : मानवतेचा प्रेरणादायी संदेश
प्रकाश कदम,
पोलादपूर प्रतिनिधी :
पोलादपूर तालुक्यातील शिवाजी नगर येथील हौसाबाई शंकर पाटील यांचे आज (दि. १ ऑक्टोबर २०२५) रोजी सकाळी ११ वाजता हृदयविकाराच्या झटक्याने दुःखद निधन झाले. त्यांच्या निधनानंतरही त्यांच्या कुटुंबीयांनी सामाजिक जाणिवेतून घेतलेला निर्णय सर्वांसाठी प्रेरणादायी ठरला आहे. हौसाबाई यांच्या मुलगा दिनेश पाटील यांनी कुटुंबीयांच्या संमतीने त्यांच्या आईचे मरणोत्तर नेत्रदान केले.
अचानक झालेल्या निधनामुळे परिसरात शोककळा पसरली असली, तरी या दुःखद प्रसंगातही मानवतेचा विचार करून नेत्रदानाचा निर्णय घेणाऱ्या कुटुंबीयांचे सर्वत्र कौतुक होत आहे. त्यांच्या या कार्यामुळे ज्यांना जन्मतः किंवा अपघातामुळे दृष्टी गमवावी लागली आहे, अशा अंध व्यक्तींना पुन्हा या सुंदर जगाचा अनुभव घेण्याची संधी मिळणार आहे. हौसाबाई यांच्या मागे दोन भाऊ, दोन बहिणी असा परिवार आहे.
या नेत्रदानाच्या कार्यासाठी पोलादपूर मेडिकल टीमने सहकार्य केले. त्यामुळे हे उदात्त कार्य यशस्वीरीत्या पार पडले.
🔹 नेत्रदानाचे महत्त्व :
नेत्रदान हे "सर्वोत्तम दान" मानले जाते. माणसाचे आयुष्य संपल्यानंतरही त्याचे डोळे दोन अंध व्यक्तींना नवदृष्टी देऊ शकतात. एका नेत्रदानामुळे दोन अंधांना डोळ्यांचा प्रकाश मिळतो आणि त्यांच्या आयुष्यात आनंद व नवे क्षितिज फुलते. त्यामुळे नेत्रदानाला केवळ दान नव्हे तर "जीवनदान" असेही म्हटले जाते. समाजात दृष्टीहीनांना आत्मनिर्भर बनवण्यासाठी प्रत्येकाने नेत्रदानाची शपथ घेणे ही काळाची गरज आहे.
हौसाबाई शंकर पाटील यांच्या निधनानंतर झालेले हे नेत्रदान निश्चितच समाजासाठी प्रेरणादायी ठरले असून त्यांच्या कुटुंबियांनी दाखवलेली सामाजिक जाणीव ही अनेकांसाठी आदर्शवत आहे.
Excellent work by Dr. Nitin Mapara, Dr. Rajesh Shinde and all Poladoir team. CONGRATS. ईश्वर मृतात्म्यास सद्गती देवो!
ReplyDelete