महाबळेश्वर तालुक्यातील पार्वतीपूर (पार) गावाचा गौरव YouTube वर — “आपली गावं, आपली माणसं” मालिकेचा पहिला भाग प्रदर्शित
प्रतापगड प्रतिनिधी (जितेंद्र कारंडे):
महाबळेश्वर तालुक्यातील ऐतिहासिक आणि सांस्कृतिक परंपरेने नटलेले श्री क्षेत्र पार्वतीपूर (पार) गाव आता YouTube वर झळकले आहे. 🎬
“आपली गावं, आपली माणसं” या विशेष मालिकेतील पहिला भाग पार गावावर आधारित documentary म्हणून नुकताच प्रदर्शित झाला असून, या चित्रफितीत गावाचा इतिहास, संस्कृती, परंपरा, लोकजीवन आणि भविष्यातील संधींचे सुंदर चित्रण करण्यात आले आहे.
👉 पूर्ण व्हिडिओ पाहण्यासाठी लिंक : [https://youtu.be/3l1xrjJ-5gs]
ही मालिका कुंभरोशी गावातील युवक निलेश रांजणे यांच्या संकल्पनेतून साकारली आहे. ग्रामीण भागातील समस्या, वर्तमानस्थिती, गावांचा इतिहास आणि भविष्यातील वाटचाल यांचा मागोवा घेण्यासाठी त्यांनी 100 गावांचे documentary तयार करण्याचा संकल्प केला आहे. या संकल्पातील पहिले पाऊल म्हणून पार गावाची निवड करण्यात आली असून, गावातील ग्रामस्थांनी या उपक्रमाला उत्स्फूर्त पाठिंबा दिला आहे.
गावाच्या documentary चे अनावरण सोहळा पार गावात थाटात पार पडला. ग्रामस्थ, तरुण, महिला मंडळे आणि वयोवृद्ध नागरिक यांनी या उपक्रमाचे स्वागत केले. निलेश रांजणे यांनी यावेळी बोलताना,
“गावाची खरी ओळख, परंपरा आणि स्वप्नं जगासमोर आणणे हे माझे ध्येय आहे. ग्रामीण भागाची खरी ताकद लोकांपर्यंत पोहोचावी, यासाठी ही मालिका महत्त्वाची ठरणार आहे,”
असे सांगितले.
गावकऱ्यांच्या सहकार्याने साकारलेल्या या व्हिडिओचे कौतुक आता परिसरात होत असून, पार गावाचा अभिमान सर्वत्र पोहोचविण्यासाठी ही मालिका एक महत्त्वपूर्ण पाऊल ठरणार आहे. 🌿
📌 गावाची ओळख जपणारी, परंपरा सांगणारी आणि भविष्याचा मार्ग दाखवणारी ही मालिका प्रत्येकाने जरूर पहावी, असे आवाहन ग्रामस्थांनी केले आहे.
Comments
Post a Comment