सातारा-मेढा-महाबळेश्वर जिल्हामार्ग नामांतराची मागणी व प्रतापगडावर छत्रपती प्रतापसिंह महाराजांचे स्मारक व्हावे – शिवक्रांती हिंदवी सेना
कुसुंबी (प्रतिनिधी) :
छत्रपती शिवाजी महाराजांच्या परंपरेतील थोर समाजसुधारक व दूरदृष्टी असलेले श्रीमंत छत्रपती प्रतापसिंह महाराज यांचे कार्य जनतेसमोर यावे यासाठी सातारा-मेढा-महाबळेश्वर जिल्हामार्गाला प्रतापसिंह महाराज यांचे नाव द्यावे तसेच किल्ले प्रतापगडावर त्यांचे स्मारक उभारावे, अशी ठाम मागणी शिवक्रांती हिंदवी सेनेतर्फे करण्यात आली आहे.
या मागणीचे निवेदन श्रीमंत.छत्रपती.नामदार.शिवेंद्रसिंहराजे भोसले महाराज साहेब यांना सादर करण्यात आले.
छत्रपती प्रतापसिंह महाराजांचे कार्य
निवेदनात प्रतापसिंह महाराजांच्या बहुआयामी कार्याचा विशेष उल्लेख करण्यात आला आहे.
- सातारा हे राजधानी म्हणून सुस्थापित करताना त्यांनी पुणे-सातारा मार्ग व सातारा-मेढा-महाबळेश्वर-प्रतापगड-कोकण रस्ता यांसारखे महत्वाचे मार्ग निर्माण केले.
- लष्करी शाळा व रयत शिक्षणाची परंपरा त्यांनी रुजविली.
- जगप्रसिद्ध महाबळेश्वर शहराची स्थापना प्रतापसिंह महाराजांनी केली.
- शिवरायांनी स्थापिलेली तुळजाभवानी मूर्ती व किल्ले प्रतापगड स्वराज्यात आणण्याचे कार्यही त्यांनी केले.
इतक्या भव्य कार्याची परंपरा असूनही आज जनसामान्यांना त्यांच्या योगदानाची जाणीव पुरेशी नाही, ही खंत सेनेने व्यक्त केली.
- सातारा-मेढा-महाबळेश्वर जिल्हामार्गाचे नामकरण "श्रीमंत छत्रपती प्रतापसिंह महाराज जिल्हामार्ग" करावे.
- किल्ले प्रतापगडावर छत्रपती प्रतापसिंह महाराजांचे स्मारक उभारावे.
- त्यांच्या कार्याचा आढावा देणारे माहितीफलक उभारावेत, जेणेकरून पर्यटक व भाविकांना इतिहासाची माहिती मिळेल.
आंदोलनाची इशारा
शिवक्रांती हिंदवी सेनेने स्पष्ट इशारा दिला की, ही मागणी मान्य न झाल्यास रीतसर आंदोलन उभारले जाईल.
या प्रसंगी संस्थेचे संस्थापक श्री. स्वप्निल धनावडे सर, उपाध्यक्ष प्रविण कदम, सचिव शशी चिकणे, तसेच जगन्नाथ शिंदे, आदित्य जाधव, प्रज्वल गायकवाड, जनाबाई शिंदे आदी पदाधिकारी व कार्यकर्ते उपस्थित होते.
👉 या मागणीमुळे साताऱ्यातील ऐतिहासिक वारशाला नवी ओळख मिळण्याची अपेक्षा व्यक्त होत आहे.
Comments
Post a Comment