सिंधुदुर्ग जिल्हा मध्यवर्ती सहकारी बँक लिपिक पदभरतीची मोठी संधी

महाबळेश्वर प्रतिनिधी(विलास काळे)  – 

सिंधुदुर्ग जिल्हा मध्यवर्ती सहकारी बँक लि., सिंधुदुर्ग यांनी लिपिक पदांसाठी मोठ्या प्रमाणावर भरती जाहीर केली आहे. बँकेच्या आस्थापनेवरील आणि अधिपत्याखालील एकूण ७३ रिक्त पदे सरळसेवा पद्धतीने भरली जाणार आहेत. ही संपूर्ण भरती प्रक्रिया आय.बी.पी.एस. (इन्स्टिट्युट ऑफ बँकिंग पर्सोनेल सिलेक्शन) या राष्ट्रीय स्तरावरील संस्थेमार्फत पार पडणार आहे.

बँकेने दिलेल्या माहितीनुसार, ऑनलाईन अर्ज प्रक्रिया ५ सप्टेंबर २०२५ पासून सुरू होऊन ३० सप्टेंबर २०२५ रोजी मध्यरात्री ११.५९ वाजेपर्यंत खुली राहणार आहे. उमेदवारांनी बँकेच्या अधिकृत संकेतस्थळावर www.sindhudurgdcc.com जाऊन आपले अर्ज सादर करणे आवश्यक आहे. ऑनलाईन परीक्षा शुल्क देखील याच कालावधीत भरता येणार आहे.

भरती प्रक्रियेतील महत्त्वाचे टप्पे

• ऑनलाईन अर्ज भरण्याची अंतिम तारीख – ३० सप्टेंबर २०२५
• ऑनलाईन परीक्षा – दिनांक बँकेच्या संकेतस्थळावर लवकरच जाहीर केला जाणार
• प्रवेशपत्र डाउनलोड – बँकेच्या संकेतस्थळावरून स्वतंत्ररीत्या जाहीर
• कागदपत्र पडताळणी व मुलाखत – ऑनलाईन परीक्षेनंतर निकालासह तारखा प्रसिद्ध

पात्रता व अटी

• उमेदवार सिंधुदुर्ग जिल्ह्याचा रहिवासी असणे बंधनकारक आहे. अर्ज करताना अधिवास दाखला अपलोड करावा लागेल.
• शैक्षणिक पात्रता, वयोमर्यादा, अनुभव, परिविक्षाधीन कालावधी, वेतनमान, परीक्षा शुल्क याबाबतची सविस्तर माहिती ५ सप्टेंबरपासून संकेतस्थळावर उपलब्ध राहील.
• परीक्षा शुल्क भरल्यानंतरच अर्ज ग्राह्य धरला जाणार असून, एकदा भरलेले शुल्क परत न मिळणारे (Non-Refundable) राहील.
• उमेदवारांनी अर्ज करताना स्वतःचा अचूक ई-मेल आयडी, मोबाईल क्रमांक आणि आधारकार्ड क्रमांक नमूद करणे आवश्यक आहे. एकदा सबमिट केलेल्या अर्जात बदल करता येणार नाही.
• भरती प्रक्रियेबाबत शंका असल्यास उमेदवारांनी आयबीपीएसच्या https://cgrs.ibps.in/ या पोर्टलवर तक्रार नोंदवावी.

उमेदवारांसाठी महत्त्वाची सूचना

बँकेच्या संकेतस्थळाला वेळोवेळी भेट देऊन भरती प्रक्रियेबाबत अद्ययावत माहिती घेत राहणे ही उमेदवारांची जबाबदारी राहील. ऑनलाईन अर्ज आणि परीक्षा शुल्क भरल्याशिवाय अर्ज ग्राह्य धरला जाणार नाही. इतर कोणत्याही माध्यमातून केलेले अर्ज ग्राह्य मानले जाणार नाहीत.

ठिकाण – सिंधुदुर्गनगरी
दिनांक – ४ सप्टेंबर २०२५