शालेय क्रीडा स्पर्धांमध्ये वय चोरीचा प्रश्न गंभीर; शासनाने तातडीने पावले उचलावीत – प्रवीण महाराज शेलार

शालेय क्रीडा स्पर्धांमध्ये वय चोरीचा प्रश्न गंभीर; शासनाने तातडीने पावले उचलावीत – प्रवीण महाराज शेलार

मेढा प्रतिनिधी (रवी चव्हाण) :
राज्यातील शालेय क्रीडा स्पर्धांमध्ये, विशेषतः कुस्ती या परंपरागत आणि लोकप्रिय खेळात, वय चोरीचे प्रकार मोठ्या प्रमाणात वाढत असल्याची गंभीर बाब समोर आली आहे. या गैरप्रकारामुळे प्रामाणिक व नियमांनुसार मेहनत घेणाऱ्या खेळाडूंवर अन्याय होत असून त्यांचा उत्साह खच्चीकरण्याचा धोका निर्माण झाला आहे. या पार्श्वभूमीवर सरकारने तातडीने उपाययोजना कराव्यात, अन्यथा राज्यव्यापी आंदोलन उभारण्याचा इशारा वारकरी महामंडळ महाराष्ट्र राज्याचे जिल्हाध्यक्ष व क्रीडाप्रेमी ह.भ.प. प्रवीण महाराज शेलार यांनी दिला आहे.

एका प्रसिद्धीपत्रकाद्वारे त्यांनी शासन व शालेय क्रीडा महासंघ (SGFI) यांचे लक्ष वेधले. “कला आणि क्रीडा या दोन्ही महाराष्ट्राच्या उज्ज्वल परंपरा आहेत. वारकरी संप्रदायाप्रमाणेच क्रीडा क्षेत्रातही सुसंस्कारित, निष्ठावान आणि परिश्रमी तरुण वर्ग महाराष्ट्राची शान आहे. महाराष्ट्रातील महान पैलवानांनी आणि खेळाडूंनी जागतिक स्तरावर कीर्ती मिळवली आहे. त्यामुळेच लाखो क्रीडाप्रेमी कुस्तीपटूंवर जीवापाड प्रेम करतात. अशा परिस्थितीत बोगस आणि वय चोरी करणाऱ्या खेळाडूंमुळे खऱ्या प्रतिभावान खेळाडूंच्या भावनांचा अपमान होत आहे,” असे शेलार यांनी स्पष्ट केले.

पत्रकात पुढे नमूद केले आहे की, शासनाच्या विद्यमान नियमांनुसार व SGFI च्या आदेशाप्रमाणे खेळाडूंनी जन्मप्रमाणपत्र, आधारकार्ड तसेच पहिल्या इयत्तेतील प्रवेशाची शाळेची नोंदवही या तीनही कागदपत्रांच्या सत्यप्रत सादर करणे अनिवार्य आहे. तथापि, प्रत्यक्षात या नियमांची अंमलबजावणी करताना अनेकत्र गोंधळ आणि त्रुटी आढळत आहेत. काही ठिकाणी कागदपत्रांची योग्य पडताळणी होत नसल्याने वय चोरीच्या घटना मोठ्या प्रमाणात वाढल्या आहेत.

या पार्श्वभूमीवर प्रवीण महाराज शेलार यांनी मागणी केली आहे की, खेळाडूंच्या आधारकार्डची गुगल हिस्ट्री काढून त्याची सत्यप्रत जोडणे बंधनकारक करावे, जेणेकरून बनावट कागदपत्रांना आळा बसेल आणि खरी प्रतिभा न्यायाने पुढे येईल.

शेलार यांनी इशारा दिला आहे की, जर शासनाने या मागणीची गंभीर दखल घेतली नाही, तर आगामी शालेय व शासकीय क्रीडा स्पर्धांवर नाराजी व्यक्त करत वारकरी महामंडळ व क्रीडाप्रेमी मोठ्या आंदोलनाचा मार्ग अवलंबतील.

थोडक्यात:

  • शालेय क्रीडा स्पर्धांमध्ये वय चोरीचा प्रश्न गंभीर
  • शासनाने तातडीने कठोर उपाययोजना कराव्यात – शेलार यांची मागणी
  • जन्मप्रमाणपत्र, आधारकार्ड, शाळेची नोंदवही अनिवार्य; परंतु पडताळणी गोंधळात
  • आधारकार्ड हिस्ट्री जोडणे बंधनकारक करण्याची मागणी
  • दुर्लक्ष केल्यास राज्यव्यापी आंदोलनाचा इशारा


Comments

Post a Comment

Maz_Gav_Mazi_Batmi_Mahabaleshwar

💬 Join Our WhatsApp Group

Maz_Gav_Mazi_Batmi_Mahabaleshwar

📘 Follow us on Facebook

Slider

AI for All

AI for All
AI आता अवघड नाही – प्रत्येकासाठी सोपं पुस्तक!

Most Popular

आंबेनळी घाटात पहाटे भीषण अपघात; ३००–४०० फूट दरीत कोसळलेल्या कारमधील प्रवाशांचे थरारक बचावकार्य

Image
आंबेनळी घाटात पहाटे भीषण अपघात; ३००–४०० फूट दरीत कोसळलेल्या कारमधील प्रवाशांचे थरारक बचावकार्य प्रतापगड प्रतिनिधी :  पोलादपूर तालुक्यातील आंबेनळी घाटातील बावली टोक–चिरेखिंड परिसरात गुरुवारी (दि. १२) पहाटे भीषण अपघात घडला. मुंबईहून आपल्या गावी परत येत असताना वॅग्नर कार सुमारे ३०० ते ४०० फूट खोल दरीत कोसळल्याची घटना सकाळी सुमारे ५.३० वाजण्याच्या सुमारास घडली. या घटनेनंतर परिसरात एकच खळबळ उडाली असून प्रतापगड सर्च अँड रेस्क्यू टीम, महाबळेश्वर ट्रेकर्स, स्थानिक ग्रामस्थ आणि पोलादपूर पोलिसांच्या मदतीने अत्यंत धाडसी पद्धतीने बचावकार्य राबवण्यात आले. मिळालेल्या माहितीनुसार, सातारा जिल्ह्यातील लाखवड गावचे काही ग्रामस्थ मुंबईहून आपल्या गावी येत होते. पहाटेच्या सुमारास आंबेनळी घाटातील बावली टोक–चिरेखिंड दरम्यान वाहनाचा ताबा सुटल्याने वॅग्नर कार रस्त्याच्या कडेला जाऊन खोल दरीत कोसळली. घाटातील हा भाग अत्यंत धोकादायक असल्याने अपघातानंतर वाहन थेट सुमारे ३०० ते ४०० फूट खोल दरीत जाऊन अडकले. पहाटेच्या शांत वातावरणात झालेल्या या अपघातामुळे स्थानिकांमध्ये चिंतेचे वातावरण निर्...
Read more

माचूतर येथे भीषण अपघात : एसटी–दुचाकीची समोरासमोर धडक; मोबाईल व्यावसायिक नरेश भोंडेकर यांचा जागीच मृत्यू

Image
माचूतर येथे भीषण अपघात : एसटी–दुचाकीची समोरासमोर धडक; मोबाईल व्यावसायिक नरेश भोंडेकर यांचा जागीच मृत्यू महाबळेश्वर, प्रतिनिधी :  महाबळेश्वर–मेढा मुख्य रस्त्यावर माचूतर गावाच्या हद्दीत शनिवारी दुपारी झालेल्या भीषण अपघातात दुचाकीस्वाराचा जागीच मृत्यू झाला. महाबळेश्वरहून साताऱ्याकडे जाणाऱ्या राज्य परिवहन महामंडळाच्या (एसटी) बस आणि समोरून येणाऱ्या दुचाकीची समोरासमोर जोरदार धडक झाल्याने हा दुर्दैवी अपघात घडला. या घटनेमुळे परिसरात काही काळ तणावाचे वातावरण निर्माण झाले असून महाबळेश्वर शहरासह टेकवली गावावर शोककळा पसरली आहे. पोलिसांकडून मिळालेल्या माहितीनुसार, महाबळेश्वरपासून सुमारे सहा किलोमीटर अंतरावरील माचूतर गावाच्या हद्दीत शनिवारी दुपारी सुमारे १२ वाजण्याच्या सुमारास हा अपघात झाला. महाबळेश्वरहून साताऱ्याकडे निघालेली राजमाता जिजाऊ एसटी बस (क्र. एमएच १४ एनई ४२२५) आणि महाबळेश्वरच्या दिशेने येणारी दुचाकी (क्र. एमएच ११ एव्ही २०८८) यांची समोरासमोर भीषण धडक झाली. या अपघातात नरेश रमेश भोंडेकर (वय ४५, रा. टेकवली, ता. महाबळेश्वर) यांचा जागीच मृत्यू झाला. धडक इतकी भ...
Read more

महाबळेश्वर–पाचगणी बंदचा सरकारवर परिणाम; मंत्रालयात उच्चस्तरीय बैठक, सुरूर–पोलादपूर रस्ता ३० एप्रिलपूर्वी पूर्ण करण्याचे आश्वासनl

Image
महाबळेश्वर–पाचगणी बंदचा सरकारवर परिणाम; मंत्रालयात उच्चस्तरीय बैठक, सुरूर–पोलादपूर रस्ता ३० एप्रिलपूर्वी पूर्ण करण्याचे आश्वासन ✍️मिलिंद काळे महाबळेश्वर प्रतिनिधी:  महाबळेश्वर–पाचगणी येथे नागरिकांनी पुकारलेल्या बंदच्या पार्श्वभूमीवर सुरूर–पोलादपूर राष्ट्रीय महामार्गावरील रखडलेली कामे आणि रस्त्याची अत्यंत खराब झालेली अवस्था याबाबत आज मंत्रालयात उच्चस्तरीय बैठक पार पडली. सार्वजनिक बांधकाम मंत्री Shivendraraje Bhosale आणि मदत व पुनर्वसन मंत्री Makarand Patil यांच्या प्रमुख उपस्थितीत झालेल्या या बैठकीत रस्त्याच्या कामांचा सविस्तर आढावा घेण्यात आला. सुरूर–पोलादपूर हा मार्ग राज्यातील अत्यंत महत्त्वाच्या पर्यटन मार्गांपैकी एक असून या मार्गावरून दररोज हजारो पर्यटक तसेच स्थानिक नागरिक प्रवास करतात. मात्र गेल्या काही महिन्यांपासून रस्त्याची अवस्था अत्यंत बिकट झाल्याने वाहनचालकांना मोठा त्रास सहन करावा लागत आहे. अनेक ठिकाणी मोठमोठे खड्डे पडले असून काही ठिकाणी कामे अर्धवट अवस्थेत असल्याने वाहतुकीस अडथळे निर्माण होत आहेत. या समस्यांमुळे महाबळेश्वर–पाचगणी परिसरातील नागरिकांमध्ये त...
Read more