जुन्या आठवणींना उजाळा; २००७-०८ च्या बॅचचा शालेय मेळावा उत्साहात

जुन्या आठवणींना उजाळा; २००७-०८ च्या बॅचचा शालेय मेळावा उत्साहात

कुंभरोशी प्रतिनिधी : 

श्री छत्रपती शिवाजी विद्यालय, कुंभरोशी येथे २००७-०८ च्या दहावीच्या बॅचचा शालेय मेळावा मोठ्या उत्साहात आणि भावनिक वातावरणात पार पडला. अनेक वर्षांनी पुन्हा एकदा एकत्र आल्याने विद्यार्थ्यांनी शालेय जीवनातील अविस्मरणीय क्षणांना उजाळा दिला. हशा, आनंद आणि आठवणींचा सोहळा अशा वातावरणात या मेळाव्याची रंगत वाढली.

गुरुजनांचा सन्मान

या खास मेळाव्यात त्या काळात विद्यार्थ्यांना शिकवणारे सर्व शिक्षक विशेष आमंत्रित होते. विद्यार्थ्यांनी आपल्या गुरुजनांचे पुष्पगुच्छ देऊन मनःपूर्वक स्वागत केले. निकम सर, फरांदे सर, ए. बी. पवार सर, एस. एम. जाधव सर, कांबळे सर यांच्यासह अन्य मान्यवर शिक्षक उपस्थित होते. विद्यार्थ्यांनी त्यांच्याप्रती कृतज्ञता व्यक्त करून शालेय जीवनातील मार्गदर्शनाबद्दल आभार मानले. शिक्षकांनीही आपल्या विद्यार्थ्यांना अनेक वर्षांनंतर पुन्हा भेटून आनंद व्यक्त केला आणि त्यांच्या प्रगतीबद्दल समाधान व्यक्त केले.

कार्यक्रमाची सांगता भावनिक वातावरणात

मेळाव्याचे अध्यक्षस्थान विद्यालयाचे मुख्याध्यापक अरुण मोझर सरांनी भूषविले. कार्यक्रमाचे आकर्षक सूत्रसंचालन तपासे सरांनी केले. सर्व जुन्या मित्र-मैत्रिणींनी एकत्र बसून शालेय आठवणींना उजाळा दिला. वर्गातील गमती-जमती, खेळ, वार्षिक स्नेहसंमेलन, अभ्यासाचे अनुभव, शिक्षकांची शिस्त, तसेच शालेय उपक्रम यांची आठवण करत वातावरणात भावनिकता दाटून आली.

अनेक विद्यार्थ्यांनी आपापला व्यावसायिक प्रवास आणि आजवर साध्य केलेली यशोगाथा मित्रांसोबत शेअर केली. शिक्षण, नोकरी, उद्योगधंदा, तसेच सामाजिक कार्यक्षेत्रात कार्यरत असलेल्या माजी विद्यार्थ्यांनी आपल्या प्रवासाबद्दल सांगताना शालेय जीवनातील शिकवणीच पुढील वाटचालीत कशी उपयोगी पडली हेही अधोरेखित केले.

विद्यालयाला कृतज्ञतेची भेट

विद्यार्थ्यांनी शाळेबद्दल कृतज्ञता व्यक्त करत विद्यालयाला स्पीकर सेट भेट देण्याचा संकल्प मुख्याध्यापकांच्या हस्ते जाहीर केला. मोझर सरांनी या उपक्रमाचे स्वागत करत विद्यार्थ्यांचे कौतुक केले आणि अशा मेळाव्यामुळे शाळा व माजी विद्यार्थ्यांमधील नाते अधिक घट्ट होत असल्याचे नमूद केले.

एकात्मतेचा अनुभव

मेळाव्याच्या यशस्वीतेसाठी माजी विद्यार्थ्यांनी एकत्रितपणे मेहनत घेतली. कार्यक्रमाचे आभार प्रदर्शन डांगे सरांनी केले.  मंगेश कारंडे, विठ्ठल मोरे यांच्यासह सर्व बॅचमधील मित्र-मैत्रिणींचा उत्स्फूर्त सहभाग लक्षणीय होता.

प्रेरणादायी उपक्रम

हा मेळावा केवळ जुन्या आठवणींना उजाळा देणारा मनात पुन्हा एकदा जागृत झाला.