ग्रामीण रुग्णालय महाबळेश्वर येथे सर्वरोग निदान शिबीर उत्साहात संपन्न

ग्रामीण रुग्णालय महाबळेश्वर येथे सर्वरोग निदान शिबीर उत्साहात संपन्न

महाबळेश्वर प्रतिनिधी (विलास काळे):
पंतप्रधान नरेंद्र मोदी यांच्या ७५ व्या वाढदिवसानिमित्त देशभरात “स्वस्थ नारी, सशक्त परिवार अभियान” हा विशेष आरोग्य उपक्रम १७ सप्टेंबर ते २ ऑक्टोबर २०२५ दरम्यान राबविला जात आहे. त्याचाच एक भाग म्हणून महाबळेश्वर येथील ग्रामीण रुग्णालयात मंगळवार, दि. २३ सप्टेंबर रोजी सर्वरोग निदान शिबिराचे आयोजन करण्यात आले. या शिबिराचा उद्देश महिलांसह सर्वसामान्य नागरिकांमध्ये आरोग्य जागृती निर्माण करणे आणि आवश्यक ती मोफत तपासणी व उपचार सुविधा उपलब्ध करून देणे हा होता.

शिबिराचे उद्घाटन महाबळेश्वर तहसीलचे नायब तहसिलदार श्री. विनोद सावंत यांच्या हस्ते दीपप्रज्वलन करून करण्यात आले. यावेळी जिल्हा शल्यचिकित्सक डॉ. युवराज करपे यांच्या मार्गदर्शनाखाली विविध तज्ञ डॉक्टरांची उपस्थिती होती.

📌 शिबिरात सहभागी झालेले प्रमुख वैद्यकीय अधिकारी:

• डॉ. पंडीत देशमुख (वैद्यकीय अधीक्षक, जनरल फिजीशियन)
• डॉ. समीर बेलोशे (कान-नाक-घसा तज्ञ)
• डॉ. अबरार सिद्दीकी व डॉ. शैबाज शेख (नेत्रविकार तज्ञ)
• डॉ. जितेंद्रसिंग राजपूत (स्त्रीरोगतज्ञ)
• डॉ. निकिता येरामला (बालरोगतज्ञ)
• डॉ. हिमंत कवळे (दंतशल्यचिकित्सक)
• डॉ. प्रशांत दरेखी (अपघात विभाग)
• डॉ. आशिष राय, डॉ. मोहम्मद काशिद (वैद्यकीय अधिकारी)
• डॉ. पुजा खिरीद (राष्ट्रीय बाल स्वास्थ्य कार्यक्रम)

याशिवाय रुग्णालयातील सर्व कर्मचारी, महाबळेश्वर तहसिल कार्यालयातील श्रीमती जहेदा शेख यांच्यासह अनेक मान्यवर उपस्थित होते.

नायब तहसिलदार श्री. सावंत यांनी मार्गदर्शन करताना सांगितले की, “घरातील स्त्री निरोगी असेल तर संपूर्ण कुटुंब सशक्त राहते. त्यामुळे महिलांनी आपल्या आरोग्याबरोबरच कुटुंबातील प्रत्येक सदस्याच्या आरोग्याचीही काळजी घेणे गरजेचे आहे. ग्रामीण रुग्णालय महाबळेश्वर यांनी राबविलेला हा उपक्रम खरंच स्तुत्य आहे.”

👉 शिबिरादरम्यान जवळपास ४०० नागरिकांची तपासणी करण्यात आली. विविध आजारांचे निदान करून योग्य उपचार देण्यात आले. तसेच दृष्टी तपासणीनंतर गरजू रुग्णांना मोफत चष्म्यांचे वाटप करण्यात आले.

या उपक्रमात ग्रामीण भागातील नागरिकांनी उत्स्फूर्त सहभाग नोंदवला. वैद्यकीय अधिकारी व कर्मचारी यांची मनापासूनची सेवा नागरिकांच्या समाधानास कारणीभूत ठरली.

कार्यक्रमाचे सूत्रसंचालन सहायक अधीक्षक श्री. बाजीराव आंग्रे यांनी केले तर आभार प्रदर्शन वैद्यकीय अधीक्षक डॉ. पंडीत देशमुख यांनी मान्यवरांचे आणि उपस्थितांचे मानले.

✍️ एकूणच, महाबळेश्वर ग्रामीण रुग्णालयाने आयोजित केलेले हे सर्वरोग निदान शिबिर “स्वस्थ नारी, सशक्त परिवार” या अभियानाला योग्य तो प्रतिसाद देणारे ठरले असून, स्थानिक नागरिकांच्या आरोग्यसेवेसाठी मोठा हातभार ठरले आहे.